Nae welker t(er)mi(n)acien voirs(creven) wed(er) comen zijn/ voir den raide vand(er) stadt de voirs(creven) vrancke/ ter eend(er) en(de) de voirs(creven) ernoul ter ande(r) zijden/ ald(air) de voirs(creven) vrancke heeft geseet dat de voirs(creven)/ ernoul de voirs(creven) pe(n)ni(n)gen heeft gecregen/ bege(re)nde mits dien dat hij die totte(n) rechte/ wed(er) setten soude dair hij die hadde gehaelt/ D(air)op de voirs(creven) ernoul verantw(er)den(de) bekinde
//
de voirs(creven) pe(n)ni(n)gen uuyt der wet hande(n) gehadt/ en(de) ontfange(n) te hebben(e) mair hij hadde dair voi(r)e/ caucie en(de) borchtocht gestelt soe v(er)re vrancke/ oft yema(n)t anders met rechte hem die af conste/ gewynne(n) te restitue(re)n Wair op bijden raide vand(er)/ stadt uuytgesproken es en(de) get(er)mineert dat de/ voirs(creven) ernoul sculdich sal zijn de voirs(creven) pe(n)ni(n)gen/ wed(er) te setten ond(er) wet ter plaetsen dair/ hij die uuyt gehaelt heeft oft caucie genoech/ zijnde nae recht soe verre hij die niet gestelt/ en heeft om die wed(er) te geve(n) den voirs(creven)/ vrancken soe verre dat bevonde(n) wordt met/ rechte alsoe behoiren(de) Eisdem