Vand(er) questien die ov(er)lang voir den raide vand(er)/ stad gehangen heeft tusschen janne van aersschot/ en(de) mathijse zijne(n) sone als geleydt nae des(er) stad/ recht uuyt crachte van scepen(en) brieve(n) van loven(e)/ tot alle den goeden have en(de) erve henricx de pu(n)de(re)/ ter eenre en(de) den selve(n) henricke ter and(er) zijden/ aengaen(de) der rekeni(n)gen bijden selve(n) janne en(de)
//
mathijse zijne(n) sone ov(er)gegeve(n) vanden bewinde regime(n)te/ en(de) admi(ni)stracien heffen leggen ontfange en(de) uuytgeve(n)/ dat de selve jan hadde gehadt vanden goeden des/ voirs(creven) henricx en(de) oic aen principalen ond(er)halven rijd(er)/ met allen acht(er)stelle d(air) vore(n) de voirs(creven) jan des voirs(creven)/ henricx borghe was aen arnold(e) van kets ende/ des dien e(n)nichssins aencleeft Hebben hen de selve/ p(ar)tien nae dat de selve rekeni(n)ge v(er)antw(er)den/ replike en(de) duplike d(air)op gemaict bij seke(re) der stad/ gedeputeerde rijpelijck gevisiteert ov(er)sien en(de) d(air)op/ geledt es geweest gesubmitteert en(de) v(er)bonden inde/ eendrachtige uuytsprake van twee der voirs(creven)/ gedeputeerden te weten(e) van pete(re)n vand(er) hoeve(n)/ en(de) henricke oege in sulker vuegen dat de selve/ p(er)sone(n) hue(r) eendrachtige uuytsprake d(air)af sullen/ doen bynne(n) viii dagen naistcomen(de) Promitten(tes)/ ratu(m) coram tybe thenis junii xxvi