Vand(er) questien die comen es inde banc voir meye(re)/ en(de) scepen(en) van loven(e) tusschen henricke van/ bollenberghe die beclaicht hadde goirde machiels/ beide als man van buyten tegen man van buyten/ aldair de voirs(creven) henrick wa(n)t hij ten naiste(n) dage/ van rechte hadde te kynne(n) gegeve(n) zijn clachte/ en(de) gep(rese)nteert de selve zijn clachte met port(er)s/ en(de) vorst(er)s te bewijsen(e) d(air) af den dach van be/ wijssenissen op heden diende begheerde vorts/ te varen(e) Dwelc de voirs(creven) goirdt scutte seggen(de)/ hoe dat zijnd(er) kynnessen come(n) wa(r)e dat henrick/ ten naisten dage tegen hem hadde gep(ro)cedeert om/ hem verreyct te hebben(e) vand(er) clachten die hij te/ hemweert gedaen hadde d(air)af hem zee(r) verwonderde/ wa(n)t hij boot met zijne(n) eede ten heilige(n) te/ swe(r)en dat hij anders niet en wiste den dachen/ diende yerst op heden Nietmyn wa(n)t hij noch/ comen wa(r)e voir en(de) eer tvo(n)nisse vanden/ verghichten gegeven was soe p(rese)nteerde hij de/ costen vanden naisten dage te betalen(e) ende de/ sake int principael te verantw(er)den(e) sustine(re)nde/ mits zijnd(er) p(rese)ntacien te gestaen(e) Den voirs(creven) henricke/ de contra(r)ie sustine(re)nde wa(n)t den dach heden diende/ om den voirste(r) en(de) port(er)s taenhoiren(e) datmen/ d(air)mede sculdich soude zijn voirt te varen ende/ dat hij te spade comen wa(r)e om de sake int p(ri)ncipael/ te v(er)antw(er)den Es bij scepen(en) van loven(e) ter maniss(en)/ smeyers de sake gestelt ind(er) stad hande(n) ende/ totter stadt t(er)mi(n)acien In sca(m)pno dece(m)br(is) xvi