It(em) ter meerd(er) vestich(eit) den voirs(creven) p(er)sone(n) van des voirs(creven)/ es te geschien(e) heeft de voirs(creven) adam den selve(n) p(er)sone(n) met voshe(m) [forestario]/ pantsgewijse in handen gestelt de selve(n) juweele(n)/ hier nae bescreve(n) te weten(e) den voirs(creven) janne/ bloeckart[mart] yerst drie silve(re)n scalen bove(n) de boerde vergult/ en(de) bynne(n) opden bodem bodem gedraicht en(de) vergult/ met eene(n) circule d(air)inne staen(de) een me(n)neken int/ woudt en(de) twee slechte silve(re)n croesen te bruessel/ gemaict wegen(de) tsame(n) vijf merct seven oncen/ tweelf en(de) een halve ingelsche(n) It(em) den voirs(creven)/ hee(re)n pete(re)n de juweele(n) hier nae bescreve(n) yerst/ drie gelijke scalen en(de) twee gelike croesen wegen(de)/ tsame(n) vijf merct seven once(n) seven(en) en(de) eene(n)/ halve(n) ingelsche It(em) den voirs(creven) voirs(creven) meest(er) janne/ ponte yerst sesse silve(re) scalen bove(n) de boerden/ vergult en(de) bynne(n) met drie groote puckele(n) gemaict/ tantw(er)pen en(de) twee croesen gelijck de voirs(creven) vie(r) croesen/ wegen(de) tsame(n) thien merct eene once twee en(de)/ eene(n) halve(n) ingelsche om d(air)aen met rechte te/ v(er)coopen de selve juweele(n) tallen tijden alst hen gelieft en(de)/ om d(air)aen te v(er)halen tvoldoen d(er) voirs(creven) scepen(en) brieve(n)/ behalve(n) oft er yet overt dat zij dat sculdich sulle(n) sijn/ wed(er) te kee(re)n en(de) ofter yet gebrake dat zij dat/ vort sullen moege(n) volgen met rechte Ende / hebben geloeft de voirs(creven) p(er)sone(n) de voirs(creven) lijfrinte(n)/ verstorve(n) oft afgequete(n) zijnde te weten(e) een yegelijck/ vand(er) zijnd(er) de voirs(creven) juwele(n) wed(er) om te restitue(re)n/ Cor(am) eisdem