Tusschen thirion oblez als lieutenan(t) smeyers van/ wave(r) comparen(de) tegen janne van bruessel/ geheete(n) de verwe(re) en(de) janne woytken beyde/ porte(re)n van des(er) stadt die hen mett(er) stadt brieve(n)/ hue(r) goeden gemeten en(de) dranck hadden doen/ o(n)traste(re)n die wa(r)en gecalengiert vanden yersten/ porte(re) voir dae(n)neme(n) zijnre porte(r)ien dat mits/ dien zunderlinge van hem en(de) oic mede van/ beyde de sake soude wordden gere(n)voyeert bij crachte/ ende inhoud(en) vand(en) liii[ten] artikel der blijd(er) inco(m)pst/ oic mede vanden tractate vanden edele(n) ter eenre/ zijden en(de) voirs(creven) ii porte(re)n ter ande(re) sustine(re)nde hoe/ wel daenneme(n) vande(n) yerste(n) geschiet mocht/ zijn voir dae(n)neme(n) dat wa(r)en kue(re)n en(de) brueken/ vanden welken ende allen p(er)sonnele(n) actien zij alhier/ te rechte behoirden en(de) nerge(re)ns el Es tvo(n)nisse/ dat jan van bruessele gere(n)voyeert es ter plaetsen/ van wave(r) en(de) dat vande(n) ande(re)n de voirs(creven) lieutenan(t)/ met zijne(n) re(n)voye v(er)doilt es eisd(em)