Alsoe als ten v(er)volge des voirs(creven) henricx otten/ geleydt zijnde nae des(er) stadt recht uuyt crachte/ van scepen(en) brieve(n) van loven(e) tot alle den goede(n)/ beyde have en(de) erve des voirs(creven) wilen pet(er)s soe waer/ die gelege(n) zijn gescreve(n) es geweest met brieve(n) van/ des(er) stadt aen den meye(re) van adorp alle de selve goede/ te leve(re)n en(de) te doen volge(n) den voirs(creven) geleidde(n) En(de)/ den kinde(re)n des voirs(creven) wilen pet(er)s dach van rechte/ oft zij tegen de voirs(creven) leveri(n)ge yet hadden willen/ allege(re)n op heden dienen(de) inde banck voir meye(re)/ en(de) scepen(en) van loven(e) doen besceyden ald(aer) de voirs(creven)/ kinde(re) noch nyema(n)t van hue(re)n wegen en es/ geco(m)pareert den voirs(creven) henricke co(m)paren(de) en(de) trecht/ voirt v(er)sueken(de) Soe hebbe(n) de scepen(en) van loven(e) de/ voirs(creven) cleernisse gedaen zijnde ter maniss(en) smeyers/ gewes(en) voir een vo(n)nisse datmen den voirs(creven) geleidde(n)/ vand(en) voirs(creven) goede(n) houde soude inde macht van zijne(n)/ scepen(en) brieve(n) in sca(m)pno p(rese)nt(ibus) o(mn)ib[(us)] de(m)pto scoonvorst ja(nua)[rii] xii