It(em) es vorw(eer)de dat alle pacht en(de) chijs uuyte(n)/ voirs(creven) goeden gaen(de) tot desen dage toe te gelike/ sal betailt wordden ende dat desgelijcx alle/ tghene des van des voirs(creven) es oic verschene(n) es/ tot desen dage toe dat dat bij hen allen te/ gelike sal inne gehave(n) wordden Ende es voirt/ voirw(eer)de dat de voirs(creven) henrick uuyt(er) helicht/ en(de) zijn huysvr(ouwe) elken der voirs(creven) p(ar)tien geve(n)/ sullen en(de) betale(n) voir dat de drie dachmail/ beemps helichtwi(n)ni(n)ge beter zijn dan de vi st(uvers)/ die hen in des(er) deylinge(n) d(aer)op gesedt wa(r)en en(de)/ huers selfs gedeelte de so(m)me van iii(½) pet(er)s te/ liiii pl(a)c(ken) tstuc tusschen dit en(de) paessche(n) naistc(omende)/ te betalen En(de) van nu voirtaen(e) sal elc/ zijn goet ae(n)veerden en(de) den last van zijne(n)/ gedeelte sculdich zijn te dragen(e) eisdem