Want jan van borre als geleydt nae des(er) stadt recht/ uuyt crachte van scepen(en) brieve(n) van loven(e) tot alle den/ goeden beide have ende erve gorts roelofs soe waer/ die gelegen zijn hem met andriese van voshem vorste(re)/ alle de selve goede heeft doen leve(re)n Ende der huysvr(ouwen)/ des voirs(creven) gorts absent dach van rechte oft zij tegen de/ voirs(creven) leveri(n)ge yet hadde(n) wille(n) allege(re)n op heden/ dienen(de) inde banck voir meye(r) ende scepen(en) van/ loven(e) doen besceyden ald(aer) des voirs(creven) gorts huysvr(ouwe)/ noch nyema(n)t van hue(re)n wegen en es geco(m)pareert/ den voirs(creven) geleidden co(m)pare(re)nde ende trecht voirt/ versueken(de) Soe hebben de scepen(en) van loven(e) yerst/ aengehoirt den voirs(creven) andriese die cleerde bij zijne(n)/ eede de leveri(n)ge ende dach besceydi(n)ge behoirlijck/ gedaen te zijne ter maniss(en) smeyers gewesen/ voir een vo(n)nisse datmen den voirs(creven) geleidden vanden/ voirs(creven) goeden houden soude inde macht van zijnen/ scepen(en) brieve beleyde soe verre het noch voir hen/ scepen(en) comen es eisd(em)