SAL7774, Akte: R°106.1 (213 van 1070)
Akte R°106.1
Act
Datum: 1487-10-02
Transcriptie
2022-11-17 door Magda van WinkelNae dien op voir dach van rechte inde(n) gedinge/
dat geweest is inde banck voir meye(r) en(de) scepen(en)/
van loven(e) tusschen pete(re)n den lathouwe(re) aenlegge(r)/
ter eend(er) zijden ende gielijse back verweerde(r) ter/
ande(re) seggen de voirs(creven) aenlegge(r) dat de voirs(creven)/
gielijs hem tande(re)n tijden geloeft en(de) toegeseet soude/
hebbe(n) dat hij hem eene croone lijftochten die hij/
hadde op seke(re) goeden d(aer)op de p(ro)cur(eur) sgoidshuys/
van haflige(m) daechde voir gebreck van chijse/
en(de) die de voirs(creven) gielijs nu besidt en(de) sindert/
vercregen heeft d(aer)op soude laten staen oft aflegge(n)/
ende de voirs(creven) gielijs gewesen was tot zijnd(er) eet/
en(de) o(n)tscult dien hij op heden heeft gedaen ende/
de voirs(creven) aenlegge(r) dien heeft gebatteert ende ge/
calengieert hebben de hee(re)n scepen(en) van loven(e)/
gewesen met vo(n)nisse dat de voirs(creven) gielijs/
zijns eets volcome(n) es eisd(em)
Nagekeken door: Jef Willemsens
Moderator: Jef Willemsens
Laatste update:: 2018-07-16 door The Administrator