It(em) jan loens sone jans woenen(de) te beetze in p(rese)ncia/ heeft genome(n) en(de) bekint genome(n) te hebben(e)/ van ja(n)nese vlas den jonghe(n) als p(ro)cur(eur) eerw(eer)dige(n)/ vaders in gode des p(re)laets van vlierbeke/ alsulken beempt als de selve p(re)laet en(de)/ meest(er) reynier van lyefke(n)rode tsame(n) houden(de)/ zijn gelegen te beetze achter den moelen tussche(n)/ de pete ald(aer) ter eend(er) zijden en(de) des hee(re)n strate/ ter ande(re) houden(de) omtri(n)t vijf zillen paulo/ gelijck laureys bloeme(n) die hier voirmaels/ gehoude(n) heeft Te houden te hebbe(n) en(de) in hueri(n)gen/ te besitten van half m(er)te naistcomen(de) eene(n)/ termijn van vijf ja(r)en lang due(re)nde deen/ nae dand(er) sond(er) middel vervolgen(de) elcx jairs/ dae(re)nbynne(n) om en(de) voir xv rinschguld(en) te/ lx pl(a)c(ken) tstuc deen helicht d(aer)af ts(in)[t] janss(miss)[e] en(de)/ dand(er) helicht ts(in)[te] m(er)tensmisse te betalen(e)/ den voirs(creven) t(er)mijn due(re)nde quol(ibe)t ass(ecutu)[m] It(em) es/ voirw(eer)de dat de voirs(creven) jan den voirs(creven) t(er)mijn/ due(re)nde houden sal op zijne(n) cost in goede(n) state
//
alle strate(n) en(de) wegen aen de voirs(creven) goede liggen(de)/ desgelijcx alle grechten wate(re)n en(de) wat(er)leyden/ en(de) die vegen en(de) ruyme(n) op hue(re)n bode(m)/ alsoe dat den selve(n) goidshuyse noch den goede(n)/ desselfs daer bij egheene scade en geschiede/ en(de) die alsoe laten tot zijne(n) afsceyden It(em) es/ voirw(eer)de dat de voirs(creven) wyn bynne(n) de voirs(creven)/ termijne alle breeme(n) doirnen en(de) meer hoepe(n)/ bynne(n) den voirs(creven) beempt staen(de) uuytroeden/ en(de) slichten sal wel en(de) loflijck It(em) sal de voirs(creven)/ wynne alle ja(r)e den voirs(creven) t(er)mijn due(re)nde opt/ dboend(er) vanden voirs(creven) beemde soe v(er)re de mate/ strect moete(n) setten en(de) plante(n) sesse goede willige(n)/ poten en(de) die houden en(de) wel en(de) loflijc v(er)doirne(n)/ en(de) oft daer e(n)nige v(er)droechden dat hij daer/ voi(r)e ten naiste(n) ja(r)e eene ande(re) in die stadt/ setten sal En(de) alle dese voirw(eer)den (et)c(etera) cor(am)/ g(odefrido) berghe vynck januarii xxviii