It(em) claes braecma(n)s pelsmake(r) ter eend(er) ende/ m(er)ten de bubbele(re) molde(r) ter ande(r) zijden in p(rese)ncia/ hebbe(n) gekint ende gelijdt dat zij bij toedoen(e)/ ende ond(er)wijse van e(n)nige(n) hue(re)n vrienden/ in beiden zijden ov(er)come(n) ende eenswordden/ zijn alse van huer(er) beid(er) erve neve(n) een staen(de)/ gelege(n) inde p(roo)ststrate tusschen thuys geheete(n)/ lymborch ende een cleyn streetken gelegen/ naist claes erve der pointe(n) cond(ici)[en] ende/ voirw(er)den hier nae v(er)clairt Yerst dat de voirs(creven)/ m(er)ten ter maniss(en) des voirs(creven) claes en(de) tzijne(n)/ coste sal moete(n) legge(n) eene loote(n) gote tegen
//
zijne(n) want ende bove(n) claes dack d(aer) mede dwat(er)/ tussche(n) beyde de huysen afgeleet sal wordden alsoe/ dat ten prise van wercliede(n) hen des v(er)staen(de)/ behoeve(n) sal It(em) sal de voirs(creven) m(er)ten tselve wat(er)/ dat acht(er) valt op zijne scaelgie moete(n) afleyden/ met eend(er) goten doer zijns selfs erve alsoe dat/ claese noch zijne(n) erve d(aer) af gheene scade oft hynd(er)/ en come It(em) dat alsulke(n) heymelich(eit) als dient/ tussche(n) hue(re)r beid(er) erve de voirs(creven) p(ar)tien sulle(n)/ moete(n) doen veghe(n) te gelike en(de) dat de voirs(creven)/ m(er)ten soe langhe zijn erve twee woeni(n)ge(n) blive(n)/ de twee deel drage(n) sal ende de voirs(creven) claes/ tderdel behalve(n) oft naemaels maer eene/ woeni(n)ge en wordde dat zij alsdan des last d(aer) af/ te gelike sulle(n) moete(n) drage(n) It(em) dat alsulke(n)/ houten(en) stijl als de voirs(creven) m(er)ten voir aen zijn/ erna heeft gesedt den erve des voirs(creven) claes/ te nae alsoe hij meynde ald(aer) sal blive(n)/ staen(de) soe hj nu staet behalve(n) dat soe v(er)re/ de voirs(creven) claes t naemaels ty(m)me(re)n woude dat/ hij sal moegen vae(re)n inden selve(n) stijl des soude/ hij oft hij d(aer) af yet brake wed(er) sculdich zijn tzijne(n)/ coste te doen maken It(em) dat de voirs(creven) claes alsulke(n)/ vynste(r) als hij heeft staen(e) acht(er) inden muer des/ voirs(creven) claes ter scalgien weert des voirs(creven)/ m(er)tens talle(n) tijden alst hem gelieft sal moege(n)/ opdoen niet tegestaen(de) yema(n)ts wed(er) segge(n)/ behalve(n) dat hij uuyt(er) selv(er) vynste(re)n ten erve/ weert des voirs(creven) m(er)tens gheend(er) hande water/ noch vuylnisse en sal moege(n) ghiete(n) It(em)/ sal de voirs(creven) m(er)ten de voirs(creve) loote(n) gote tzijne(n)/ coste wel en(de) loflijc houde(n) in goed(er) r(e)p(ar)acie(n)/ behalve(n) oft de voirs(creven) claes in e(n)nige(n) tijde(n)
//
toecomen(de) hooge(r) metse dan m(er)tens dack in/ welke(n) gevalle p(ar)tien die loote(n) ghote houde(n)/ sulle(n) nae des(er) stadt recht cora(m) pynnock/ hove augusti iiii