SAL7775, Act: R°173.2 (270 of 763)
Search Act
previous | next
Act R°173.2  
Act
Date: 1489-12-04

Transcription

2020-12-23 by Karel Embrechts
Om te comen(e) tott(er) zoene(n) vande(n) dootslage geschiet/
bij lambrechte en(de) [vacat] joerdens gebruede(re)n/
sonen jans joerdens uuyt der heerlich(eit) van houg(ar)den/
inde p(ro)chie van ovelair inden p(er)soen wout(er)s wilen/
ackerman sullen de selve gebruede(re)n doen ter/
salich(eit) vand(er) zielen tgebet van iii(½)[c] clooste(re)n en(de)/
een eerlijc cruys stellen inden lande van houg(ar)den/
op eene(n) open(en) wech en(de) sullen dae(re)nbove(n) elc doen/
een bedevaert ts(in)[t] jacops in galissien s(in)[t] theewouts/
in elseten en(de) tons(er) vrouwe(n) te melane(n) en(de) porren/
bynne(n) xl dagen en(de) vand(er) yerst(er) bedevaert come(n)/
zijnde eene ande(r) aengaen bynnen xl dagen/
d(aer)nae en(de) wed(er)comen zijnde bynne(n) sesse weken/
de leste aengaen oft sullen elc moege(n) gheve(n)/
voi(r)e de selve wegen soe vele als nae den lant/
rechte d(aer)op gesedt es en(de) janne ackerman den/
wech zijden als zij hem te gemoete comen en(de)/
dit houden opde v(er)buerte van hue(re)n live(n) ende/
goeden en(de) nerge(re)ns vry te zijne bynne(n) braba(n)t/
den land(en) van luydick en(de) namen in kercken/
noch cluysen en(de) dese gelufte oic doen bynnen/
xv dagen voir meye(r) en(de) scepen(en) van houg(ar)den/
thue(re)n coste en(de) ja(n)ne ackerman de brieve(n) d(aer)af/
leve(re)n En(de) om de gelufte voir die van houg(ar)den/
te geschieden zijn borghen claes berwouts en(de) pet(er)/
van heyst et duo p(ri)mi cor(am) hermeys hove/
dece(m)br(is) iiii
Contributorskristiaan magnus
Moderated bykristiaan magnus
Last update: 2018-07-16 by The Administrator