Alsoe als ten vervolghe meest(er) jans henry geleydt/ zijnde nae den rechte van des(er) stadt uuyt crachte/ van scepen(en) brieven van loven(e) tot alle den goeden/ beyde have en(de) erve alijts smeyers en(de) baudewijns/ huers soens soe waer die gelegen zijn gescreven es/ geweest met brieve(n) van des(er) stadt aen den meye(r)/ van melain oft zijne(n) stadhoude(r) hem alle de selve/ goede te leve(re)n en(de) te doen volgen oft den bring(er)/ der voirs(creven) brieven in zijnen name en(de) den voirs(creven)/ p(er)sone(n) oft zij hen d(aer)tegen hadden willen co(m)pare(re)n/ oppone(re)n dach van rechte op heden dienen(de) alhier/ te co(m)pare(re)n inde banck voir meye(r) en(de) scepen(en)/ doen bescheiden Ald(aer) de voirs(creven) p(er)sone(n) niet en sijn/ geco(m)pareert den voirs(creven) geleydden co(m)pare(re)nde ende/ trecht vort v(er)sueken(de) soe hebben de scepen(en) van/ loven(e) yerst aengehoirt pauwelen bierman bode/ te voete van des(er) stadt die cleerde bij zijne(n) eede/ de leveringe en(de) dach bescheydinge geschiet te/ zijne ter manissen smeyers gewesen voir een vo(n)/ nisse datmen den voirs(creven) geleidden vanden voirs(creven)/ goeden houden soude inde macht van zijne(n) scepen(en)/ brieven beleyde soe v(er)re het noch voir hen/ scepen(en) comen es in in sca(m)pno p(rese)nt(ibus) abs(oloens) hermeys/ hove naus(nydere) nove(m)br(is) vii