It(em) jasp(er) en(de) gielijs van hoelair geheete(n) de sadelmake(re)/ sone wilen gielijs in p(rese)ncia hebben uutgegeve(n) en(de)/ / bekynnen uutgegeve(n) te hebben(e) a(r)ne vande(n) lare/ sone wilen wout(er)s nu woenen(de) te pelleberch/ thoff der selv(er) gebruede(re)n met zijnen toebehoirte(n)/ gelegen te wet(er)beke inde p(ro)chie van vertrijcke/ met alle den wynnen(de) landen en(de) beemde(n) d(aer)toe/ behoiren(de) uuytgescheiden de v dach(mael) lants gelege(n)/ op den cleyne(n) mole(n)berch inde p(ro)chie van love(n)joel/ tderdel van eene(n) boend(er) lants gelege(n) inde p(ro)chie/ van bierbeke Te houden(e) te hebben(e) van half m(er)te/ lestleden eene(n) t(er)mijn van xii jai(r)en lang due(re)nde/ deen nae dande(r) sond(er) middel v(er)volgen(de) elcx/ jairs dae(re)nbynnen de wynnen(de) landen om en(de) voir/ de helicht van alle den vruchten d(aer)op jairlijcx/ wassen(de) Des sal de voirs(creven) wynne jairlijcx voir/ uut hebben een boend(er) lants inde stortte niet/ vanden archsten noch vanden besten desgelijcx/ een half boend(er) inde brake behalve(n) dat hij/ tselve half boend(er) altoes wed(er)om besaeyen sal/ tot wynt(er)coren(en) en(de) oic (½) dach(mael) lants tot pastue(re)n/ en(de) vlasse ende de voirs(creven) beemde om en(de) voir/ xxii rinschguld(en) te lx pl(a)c(ken) tstuc alle jae(re) s(in)[te]/ m(er)tens(mis)s[e] te betalen(e) en(de) o(n)begrepe(n) bynnen meys/ volbetailt te zijne quol(ibe)t ass(ecutu)[m] It(em) es voirw(er)de/ dat de voirs(creven) wynne alle de voirs(creven) wynnen(de) lande(n)/ jairlijcx wynnen werven en(de) mesten sal wel en(de)/ loflijc gelijc reengenoote(n) boven en(de) beneden It(em)/ es voirw(er)de dat de voirs(creven) wynne vand(er) weyen/ vand(er) weyen van des(en) tegewoirdige(n) jai(r)e te weten(e)/ van s(in)[te] m(er)tensmisse lestleden niet betale(n) en/ sal It(em) sal de wynne sculdich zijn tzijne(n) af/ scheiden(e) den wynt(er)aert wel en(de) loflijc besaeyt/ te laten met wynt(er)coren(en) soe dat behoirt wa(n)t/ hij tcoren van dien ynde inde schue(re) inne gedae(n)/ alsnu d(aer)op ae(n)veerdt heeft en(de) den someraert/ de stortte eens o(m)megedaen en(de) oic de brake/ eens o(m)megedaen ende dat hij alle dmest/ int hof gemaict ten lesten jai(r)e sal moeten/ uuytvue(re)n tusschen dat en(de) lichtmesse ten meeste(n)/ / p(ro)ffijte vanden lande soe wel op de verste als opde/ naiste Item alsmen daer werct dect oft plect/ van ouden wercke sal de wynne sculdich zijn/ alle gereetscap nairde(r) te halen en(de) den wercliede(n)/ den mo(n)tcost gheven en(de) de gebrueders sulle(n) de/ dachue(re)n betalen It(em) sal de wynne moete(n) coope(n)/ ten mi(n)sten xxx mandele(n) stroos inde thiende schue(re)/ oft elde(r) daert hem gelieft en(de) oft hij gheen stroo/ gevinden en can dat hij dan in die stadt soe vele/ mests sal moegen coopen als tvoirs(creven) stroo gedrage(n)/ soude en(de) d(aer)af sulle(n) de gebruede(re)n de tweedeel/ betalen en(de) de wynne [tderdel] al cocht hijs oic tot lx/ ma(n)delen toe en(de) niet voirde(r) en(de) dat stroo sal/ hij jairlijcx te meste beke(re)n slants meeste(n) p(ro)ffijte/ It(em) sulle(n) de voirs(creven) gebrueders jairlijcx leve(re)n den/ voirs(creven) wynne eene cuyte m(er)gels sond(er) zijne(n)/ cost behoudelijc dat de wynne dien m(er)gel vue(re)n/ sal opde lande slants meeste(n) p(ro)ffijte soe v(er)re zij/ dien over de beke niet en bewijsen en(de) ofts hijs/ meer d(aer)op vue(re)n woude sal hem de meest(er) dien/ sculdich zijn te leve(re)n It(em) sal de voirs(creven) wynne jairlijcx/ sculdich zijn te vue(re)n opde quade weghe daer/ des meest te doen(e) sal zijn It(em) noch sal de voirs(creven)/ wynne zijne(n) meeste(re)n jairlijcx doen iiii corweyde(n)/ tot loven(e) met zijne(n) wagen(en) en(de) p(er)den It(em) sulle(n)/ de voirs(creven) gebruede(re)n dooft jairlijcx opde voirs(creven) goede/ wassen(de) half en(de) half deylen des sullen de voirs(creven)/ gebrued(er)en dooft ter eerden leve(re)n en(de) sal de/ wynne den cost gheven en(de) oft hij gheene(n) cost/ en gave sal hij den lese(r) half betale(n) en(de) der/ gebruede(re)n helicht te loven leve(re)n ende oft de/ gebruede(re)n hue(r) deel v(er)cochten sal hij vand(en) coste/ vanden vue(re)n o(n)gehouden zijn It(em) sal de voirs(creven) wyn/ sculdich zijn de huysinge(n) te houden(e) nae dat/ zij nu eens gerepareert sullen zijn tzijne(n) coste/ vand(er) underst(er) rijkelen ned(er)weert in goede state/ It(em) sulle(n) de voirs(creven) meest(er)s en(de) wynne te oeghste/ jairlijcx tcoren opt velt deylen en(de) smeest(er)s deel/ / sal de wynne altijt sculdich zijn voir inne te vue(re)n/ des sullen he(m) de meest(er)s eene(n) hulpe(r) doen die/ de banne slaen sal hue(r) deel hulpen op steken/ en(de) hulpen tassen It(em) sal de voirs(creven) wynne alle de/ beemde en(de) bog(ar)de jairlijcx moeten v(er)maken en(de)/ bevreden en(de) die wel v(er)maect en(de) bevreet houde(n)/ alsoe dat daer gheene schade af en come des/ sullen de gebruede(re)n moeten ond(er)houden thue(re)n coste/ de weghe shee(re)n strate de beken en(de) wat(er)loopen/ It(em) sal de voirs(creven) wynne alle tscaerhout en(de) stru(n)chout/ opde beemde bog(ar)de en(de) allen landen moege(n) af/ houwen tzijnd(er) berringen behoef en(de) oic om den/ vrede mede te v(er)maken behalve(n) dat hij dat sal/ doen ten behoirlijken tijde behalve(n) dat de wynne/ gheene(n) sacht hebben en sal int scaerhout vand(en)/ beemde gelegen bij marien vanden stalle anders/ dan om den vrede mede te v(er)maken(e) It(em) want/ de voirs(creven) gebruede(re)n den voirs(creven) wynne tzijne(n) aencomen(e)/ alsnu gelev(er)t hebben twee p(er)de mette(n) wagen(en)/ en(de) getuwe d(aer)toe behoiren(de) die de wynne/ alsnu gecocht heeft om xxiiii rinschguld(en) te lx/ pl(a)c(ken) tstuc Soe es voirw(er)de dat de voirs(creven) wynne/ vand(er) eend(er) helicht der voirs(creven) xxiiii rinschg(ulden) sal/ ongehouden zijn voir dat hij dleste jair de brake/ o(m)me leve(re)n moet ende dand(er) helicht sal de/ wynne sculdich zijn te betalen bynnen den yerste(n)/ vi jai(r)en naistc(omende) te zijne(n) schoonsten It(em) alle/ dwynt(er)coren dwelc alsnu ind(er) schue(re)n es sulle(n)/ de wynne en(de) meest(er) half en(de) half deylen It(em) alle/ tsomercoren dat ind(er) schue(re)n es dat sal alleen(e)/ den wynne volghen en(de) desgelijcx vand(er) erweten/ en(de) dies sal hij zijne(n) meeste(re)n sculdich zijn te/ leve(re)n (½) mudde witt(er) erweten t(er)stont als hijse/ bege(re)n sal En(de) alle dese voirw(er)den (et)c(etera) cor(am)/ naus(nydere) donck nove(m)br(is) xvi