Item h(er) jan claes prieste(r) voir hem selve(n) en(de)/ als p(ro)cur(eur) der wettig(er) erfgenamen lenarts wilen/ bloems te weten(e) jans machiels lijsbeth beckers/ zijnd(er) huysvr(ouwe) augustijns van broecmoelen machteld(en)/ beckers zijnd(er) huysvr(ouwe) g(er)ts moens lijsbette(n) bloems/ zijnd(er) huysvr(ouwe) arnts de gouwe(re) magriete(n) bloems/ zijnd(er) huysvr(ouwe) en(de) jehanne(n) bloems en(de) he(n)rick speelberch/ / in p(rese)ncia hebben gekint en(de) geleden gehaven en(de)/ o(n)tfangen te hebben(e) vand(en) rintmeest(ere)n der stadt/ van loven(e) alle alsulke pe(n)ni(n)ge van goude en(de)/ silve(r) als bleven zijn nae de doot en(de) aflivich(eit)/ des voirs(creven) wilen lenarts soe v(er)re die opten regist(er)/ vand(er) stadt alhier gestelt zijn geweest Scelden(de)/ mits dien inden name en(de) van wegen als voi(r)e/ volcomelijc quijt de voirs(creven) stadt en(de) allen ande(re)n/ dien dat ae(n)cleven mach promittens non alloqui/ renu(n)c(ians) mair van des(en) o(n)tfanghe tegen eene(n)yege/ lijken inne te staen(e) en(de) wara(n)t te zijne Ende d(aer)voi(r)e zijn/es borghen he(n)ricus van(n) den speelhove(n) secretar(is) en(de)/ arndt scrijne rintm(eeste)r der stadt van loven(e) et duo/ p(ri)mi insup(er) p(ri)mus cor(am) hermeys naus(nydere) nove(m)br(is)/ xxvii