It(em) brued(er) gielijs de porte(re) prieste(r) religieux vanden/ p(re)dike(re)n te loven(e) met consente weten(e) ende/ bijzijne des p(ri)oirs [bruede(re)n claes sas en(de) jans van ghele r(e)ligieusen ald(aer)] in p(rese)ncia heeft gekint en(de)/ geleden dat alsulken goeden als hij beseten heeft/ nae de doot wilen gielijs de porte(re) zijns vad(er)s/ en(de) magriete(n) vanden berghe zijnd(er) huysvr(ouwe) en(de)/ hem nu ae(n)comen zijn nae de doot en(de) aflivich(eit)/ wilen jans porte(re) hij in alle die goede niet/ en es dan een tochte(r) ende dat soe wa(n)neer/ hij van live ter doot comen sal de selve goede/ toecomen sullen katline(n) porte(re) wilen huysvr(ouwe)/ henricx vand(er) bueken en(de) hue(re)n naecomelingen be/ kynnen(de) dat tvoirs(creven) godsh(uys) nae zijn doot d(aer)inne/ gheen recht noch actie te hebben(e) nae dinhoud(en)/ vand(er) geluften staen(de) ge(re)gistreert m(ar)tii xviii li(br)[o] lxiiii op dese/ came(r) Ende niet tegenstaen(de) dat de voirs(creven) brued(er)/ gielijs gehadt heeft de tocht in een hoefken gelege(n)/ op dulake bij den apostelen tusschen de goede/ vand(en) ap(oste)len ter eenre en(de) katline(n) poirte(re) voirs(creven)/ ter ande(r) zijden soe es nochtan voirw(er)de dat/ de selve brued(er) gielijs d(aer)inne gheen tocht meer/ hebben en sal mair sal die volgen der voirs(creven)/ katline(n) zijnd(er) sust(er) Met cond(ici)[en] eist dat zij/ in toecomen(de) tijd(en) v(er)cochte alsulken huysken als/ zij op dulake heeft liggen(de) bijd(en) voirs(creven) hoefken(en)/ dat in dien gevalle de voirs(creven) brued(er) gielijs t(er)stont/ ae(n)veerden sal den voirs(creven) hof als tochte(r) gelijck/ / hij dien nu beseten heeft Ende mits desen/ heeft de voirs(creven) katline geconsenteert dat/ alle alsulke haeffelike goede gebleve(n) nae/ de doot en(de) aflivich(eit) des voirs(creven) wilen jans/ de porte(re) huers brued(er)s sulle(n) wordden gedeylt/ en(de) dat de voirs(creven) brued(er) gielijs met zijne(n)/ gedeelte sal moegen doen zijne(n) eygen(en) wille/ soe hem dat believe(n) sal cor(am) hove naus(nydere)/ nove(m)br(is) xxv