Item jan de walsche in p(rese)ncia heeft v(er)huert ende/ bekint v(er)huert te hebben(e) magrieten vanden sa/ velpoele de stove geheeten de guld(en) mouwe met/ gaders eenen huyse d(aer)aen gelegen dat toe te/ behoi(r)en plach wilen arnde van hove en(de) ande(re)n/ gereede goede van bedden coetsen slapelaken(en)/ sargien becken(en) ketele(n) en(de) omslagen tott(er) selver/ stoven behoiren(de) Te houden te hebben ende in/ hueringen te besitten van kersmisse naistcomen(de)/ eenen t(er)mijn van drie jai(r)en lanck due(re)nde deen/ nae dand(er) sond(er) middel v(er)volgende elcx jairs/ dae(re)nbynne(n) om en(de) voir tweenvijftich rinschgul(den)/ te xxii st(uvers) tstuc drie pl(a)c(ken) den st(uver) te weten(e) alle/ weken d(aer)af xxii stuv(er)s oft zij mach o(n)begrepe(n)/ tallen xiiii nachten betalen ii rinschgul(den) te xxii st(uvers)/ tstuc jairlijcx den voirs(creven) t(er)mijn due(re)nde quol(ibe)t ass(ecutu)[m]/ Ende want der voirs(creven) magriete(n) de goede voirs(creven)/ / alsnu gescat zijn soe zij bekinde weert zijnde/ lix blauwe croone(n) te xvi st(uvers) tstuc drie pl(a)c(ken) den st(uver)/ soe es voirw(er)de dat zij ten afsceyden(en) van hue(re)n/ t(er)mijne die alsoe goet wed(er)om leve(re)n sal h(ere)n?/ bij alsoe de leveringe beter wae(r) tot hue(re)n afsceyden(en)/ dan die nu scat gescat es dat sal jan sculdich zijn/ magriete(n) op te leggen(e) en(de) oft die oic arge(r) en(de)/ myn gescat wordt tot hue(re)n afsceyden(en) dan voirs(creven)/ es dat sal zij oic sculdich zijn janne goet te doen(e)/ It(em) wa(n)t de voirs(creven) jan de voirs(creven) stove bynne(n) de/ berdde(re)n alle nyeuwe heeft doen maken en(de)/ de kakelen ov(er)sien soe de voirs(creven) magriete selve/ bekinde soe is voirw(er)de dat zij die soe goet late(n)/ sal It(em) is oic voirw(er)de want de voirs(creven) magriete/ voir tvoldoen van des voirs(creven) es gheene borgen en/ heeft gestelt dat zij den voirs(creven) ja(n)ne de walssche/ betalen sal tusschen dit en(de) s(in)[t] jans(mis)s[e] naistcomen(de)/ twelf r(insch)gul(den) te xx st(uvers) tstuc iii pl(a)c(ken) den st(uver) t(am)q(uam)/ ass(ecutu)[m] die haer afslach doen sullen inde betali(n)ge/ vand(en) lesten xii weken van hue(re)n t(er)mijne It(em) es/ oic voirw(er)de dat de voirs(creven) magriete hue(re)n t(er)mijn/ due(re)nde sal houden op hue(re)n cost de heymelich(eit)/ ald(aer) staen(de) Ende alle dese voirw(er)den (et)c(etera) cor(am)/ berge donck dece(m)br(is) v