It(em) gielijs van duffle heeft geloeft thomase/ warnier als man en(de) mo(m)boir jouffr(ouwe) marien/ van glymes natuerlike docht(er) bauduins wilen/ / van glymes dat hij den selven tot behoef der selv(er)/ zijnd(er) huysvr(ouwe) tot desselfs gielijs coste goeden en(de) erve(n)/ sal tot zijnd(er) manissen in twee mudden core(n)s/ erffeliker rinten als hij heeft op een huys geheeten/ den helm gelegen te geldenake desgelijcx oic/ in twee en(de) een half mudden corens als hij heeft/ op seke(r) goede en(de) ond(er)pande hubins [vacat]/ gelegen te ghete p(ro)mittens sat(isfacere) siquid Welke/ rinten metten acht(er)stelle van dien tot desen dage/ toe v(er)schenen de selve gielijs mits des(er) gecedeert en(de)/ getra(n)sporteert heeft en(de) mits des(er) cedeert transpor/ teert en(de) ov(er)gheeft den selve(n) thomase behalve(n)/ dat de ii mudden corens erflic vand(en) voirs(creven)/ iiii(½) mudden nae de doot der voirs(creven) jouffr(ouwe) marie(n)/ sculdich sullen zijn te volgen(e) jaquemijne(n) na/ tuerlike docht(er) der voirs(creven) jouffr(ouwe) marien die zij/ behouden heeft van jacoppe wilen van duffle/ brued(er) des voirs(creven) gielijs naevolgen(de) eend(er) uut/ spraken bij m(ijn) hee(re) van camerijke d(aer)op uutge/ sproken cora(m) naus(nydere) donck eod(em)