Nae dien op hede(n) come(n) zijn voir den raide vand(er) stadt de mo(m)boirs/ vand(en) groote(n) heylige(n)geeste bynne(n) des(er) stadt en(de) met he(n) aelbr(echt) tants/ hue(r) rintm(eeste)r den raide te kynne(n) hebbe(nde) gegeve(n) hoe dat nu behoeven(de)/ wae(r) om darme tond(er)houden(e) p(ro)visie te maken(e) va(n) vercken(en) van/ haringe en(de) alle ande(r) p(ro)va(n)de tege(n) den toecomen(de) adve(n)t/ vastelavo(n)t en(de) vasten(en) dwelc oft nu niet gedaen en wae(r) gescape(n)/ wae(r) te comen(e) tot groote(n) acht(er)deele vand(en) selve(n) heylige(n)/ geeste en(de) der armer d(aer)toe zij gheen gelt en wiste(n) noch/ o(n)tfanghe(n) en hadde(n) gem(er)ct dat luttel oft niet vele pechten(er)s/ betali(n)ge en deden en(de) dat oic den heilige(n)geeste niet inne en qua(m)/ mits der groot(er) schaden die de wynne(n) ind(en) orloge gehadt/ hadde(n) d(aer)af elc afslach meynde te hebben(e) en(de) wa(n)t de selve/ p(or)va(n)de nu mits den grote(n) dieren tijde die nu wel de/ tweedeel dierde(r) was dan zij noyt te voe(re)n geweest hadde en/ was hem dat niet moegelijc om doen sond(er) d(aer)toe te hebbe(n)/ groote so(mm)[en] van d(enieren) die zij niet en wisten te v(er)crige(n) dan bij/ v(er)coope en(de) soe verre men die nu gefine(re)n conste soude men die/ in toecomen(de) tijd(en) als den tijt bet(er) en(de) e(n)nige r(e)ductie op dla(n)t/ geordin(er)t wae(r) en(de) yet inne quame moege(n) aflegge(n) dwelc zij/ bij hen selve(n) niet en hadde(n) wille(n) doen sond(er) des conse(n)t en(de)/ last vand(er) stadt te hebben(e) Es bijd(en) selve(n) raide vand(er) stadt/ ov(er)drage(n) geslote(n) en(de) geordin(er)t dat de voirs(creven) mo(m)boirs hen inde(n)/ name des voirs(creven) heyl(ichs)geests sulle(n) moege(n) v(er)binde(n) tott(er) so(m)me(n)/ van xxx r(insch)guld(en) erflic ter quitinge(n) den d(enier) xviii behalve(n)/ datmen die en(de) ande(r) finan(cien) voirtijde(n) gemaict sal aflegge(n)/ mette(n) yersten pe(n)ni(n)ge(n) die den heilige(n) geeste inne come(n)/ sullen en(de) datme(n) d(aer)toe om dat te doen(e) soe wa(n)neer de/ pe(n)ni(n)ge(n) op enige(n) voet gestelt sulle(n) wordde(n) sal v(er)coope(n) alsulke(n)/ eyken als den heyl(igen)geest heeft en(de) die tijtveerdich zijn om/ houwen en(de) dat oic de mo(m)boirs ten tijde zijnde de voirs(creven)/ rinte sullen drage(n) en(de) de ghene die hen nu d(aer) voe(r) v(er)oblige(re)n/ sullen en(de) hue(r) goede costeloes en(de) scadeloes sulle(n) houde(n)/ en(de) o(n)theffen act(um) in (con)s(ili)[o] op(idi) eod(em)