It(em) willem van hove sone wilen willems/ woenen(de) te rotselair ter eenre en(de) aelbrecht/ tants zijn neve ter ande(r) zijden in p(rese)ncia/ / hebben gekint en(de) geleden dat zij bij toedoen(e)/ van vrienden met malcande(re)n eensworrden/ en(de) v(er)accordeert zijn aengaen(de) der scult die de/ voirs(creven) willem den voirs(creven) aelbrechte soe van/ geleenden gelde soe van v(er)leechden chijsen en(de)/ co(m)me(re)n die de voirs(creven) aelbrecht totte(n) dage toe/ van heden voir den selve(n) willem(me) v(er)leet/ mach hebben sculdich es in wat manie(re)n/ dat zij ind(er) manie(re)n hier nae v(er)clairt Te/ weten(e) yerst dat de voirs(creven) wille(m) den voirs(creven)/ aelbrechte nu t(er)stont in recompense vand(er)/ selv(er) scult goeden en(de) erven sal in huys ende/ hof mett(er) schue(re)n stallen bog(ar)de en(de) allen/ ande(re)n zijne(n) toebehoirte(n) gelegen te rotselair/ dair hij alsnu inne woent tusschen de goede/ desselfs willems ter eenre den voetpat/ gaen(de) van rotselair te loven(e) weert ter ande(re)/ tvelt geheeten dwijng(ar)t velt acht(er) ter derd(er)/ en(de) shee(re)n strate voi(r)e ter vierd(er) zijden It(em) noch/ in v dach(mael) beemps gelege(n) te rotselair/ opde dijle geheeten tgroot eeussel tussche(n)/ de goede h(er) wout(er)s van voshem priest(er)s gelijc/ hem de selve goede bij test(ament)e wilen jouffr(ouwe)/ katline(n) uut(er) helicht zijnd(er) huysvr(ouwe) in test(ament)e/ gemaict en(de) gelaten zijn om zijn schult d(aer)mede/ te betalen(e) om die bijden selve(n) aelbrechte/ oft zijne(n) naecomelinge(n) nae de doot des/ voirs(creven) willems die d(aer)inne [hij] zijn vrij tocht be/ houden sal en(de) niet eer erflic te houden(e)/ tae(n)veerden en(de) te besitten als zijn p(ro)pe(r) erve/ Des sal de voirs(creven) aelbrecht ter ande(r) zijde(n)/ d(aer) voi(r)e den selve(n) willem(me) quite(re)n en(de) quijt/ scelden(e)ge(n) dwelc hij mits des(er) gedaen heeft/ van alle alsulk(er) scult als hij den selven/ aelbrechte e(n)nichssins sculdich mach zijn/ / in enig(er) manie(re)n tot des(en) dage toe Ende dae(re)nbove(n)/ sal noch de selve aelbrecht betale(n) voir den selve(n)/ willem(me) alle alsulken scult als de selve wille(m) sculdich/ en(de) tacht(er) es het zij van v(er)loopen(en) rinte(n) oft and(er)ssins/ in wat manie(re)n dat zij voir des(en) dach gevallen/ en(de) v(er)schenen oft oic alsoe verre de scult voir des(en)/ dach gemaict es aen wien dat zij It(em) sal de/ voirs(creven) aelbrecht van nu vortaen(e) betalen alle chijse(n)/ en(de) co(m)me(re)n uute(n) voirs(creven) goeden en(de) allen ande(re)n goede(n)/ des voirs(creven) willems gaen(de) die vortaen(e) v(er)schijne(n)/ sullen soe langhe de selve wille(m) leven sal en(de)/ den selve(n) willem(me) gelieve(n) sal Behalve(n) dat de/ selve(n) aelbrecht alle tghene des hij v(er)legge(n) sal/ voir den selve(n) willem(me) van des vortaen(e) v(er)schijne(n)/ sal metgad(er)s allet ghene des hij vortaen(e) den/ voirs(creven) willem(me) nae des(en) dach sal leene(n) dat hij/ dat yerst nae de doot des voirs(creven) willems en(de) niet/ eer soe v(er)re willem hem dat selve bynnen zijne(n)/ leven(en) niet en betailt sal moege(n) v(er)halen aen/ alle dande(r) goede desselfs willems soe wair die/ gelegen zijn met alsulken scepen(en) brieve(n) van loven(e)/ van ii[c] rinschguld(en) eens als hij vortijden den/ selve(n) aelbrechte bekint heeft Des sal de voirs(creven)/ aelbrecht in dien gelooft zijn zijnen brieve(n)/ met eede te baten te comen(e) soe dat behoirt/ en(de) [te] dier meyni(n)gen sal den selve(n) brief van/ twee hond(er)t rinschguld(en) in zijnd(er) weerden blive(n)/ It(em) noch sal de voirs(creven) aelbrecht den voirs(creven) willem(me)/ zijn leefdage lanck due(re)nde besorge(n) i(½)[m] rijshouts/ hond(er)t houts en(de) xiii wissen wishouts des sal/ willem dat doen halen daer hem aelbrecht/ dat bewijsen sal Ende alle dese voirw(er)den/ hebben zij malcande(re)n geloeft vast gestentich/ en(de) van weerden te houden(e) tot ewige(n) dagen/ geloven(de) malcande(re)n van des(er) niet aen te/ / spreken (et)c(etera) coram berghe nausnijde(re)/ dece(m)br(is) xv