It(em) es te weten(e) dat de voirs(creven) lijfpen(sie) bekint es/ voir de bet(er)nisse en(de) zoene vande(n) dootslage/ / bijden voirs(creven) jorijse geschiet inden p(er)soen des/ voirs(creven) wilen wout(er)s vaders des voirs(creven) jans bijde(n)/ selven jorijse van live ter doot bracht d(aer)af den/ voetval bijd(er) gracien gods geschieden sal in xiii/ dage naistcomen(de) Ende soe es voirw(er)de dat/ de voirs(creven) jan de jonghe als hij tzijne(n) dagen/ comen sal zijn kuese sal hebben de zoene tae(n)/ veerden(e) oft de veede te kyesen(e) ende soe v(er)re/ hij de veede kyest sullen alsdan van dan vortaen(e)/ de voirs(creven) sculders vand(er) voirs(creven) scult ongehouden/ zijn behalve(n) dat de pachten die d(aer)af betailt/ sullen zijn betailt sullen blive(n) sond(er) rastoir/ en(de) soe verre hij de zoene aenveert sal hij mett(er)/ selver lijfpen(sie) zijnen wille moege(n) doen eisd(em)