Condt zij allen lieden dat henrick diericx sone/ wilen jans en(de) magriete van achter zijne huysvr(ouwe)/ woenen(de) te hag(er)srode inde p(ro)chie van bierbeke hebbe(n)/ genomen en(de) bekint genomen te hebben(e) van ja(n)ne/ van udekem den ouden thoff desselfs jans geheeten/ thoff teykem Te houden te hebben en(de) te wynne(n)/ in ald(er) manie(re)n en(de) voirw(er)den symoen vand(en) dale/ dat vortijts gehouden heeft nae uuytwijsen/ der pechtinge(n) d(aer)af gemaict van m(er)te lestleden/ eenen t(er)mijn van sesse jai(r)en lang due(re)nde deen/ nae dand(er) sond(er) middel vervolgen(de) behalve(n) dat zij/ ten halve(n) tijde sceyden moegen en(de) de ghene die/ scheiden wilt sal dat den ande(re)n een half jair te/ voi(r)en moeten cundige(n) uuytgenome(n) dat de/ voirs(creven) wynne ongehoude(n) sullen sijn inden mergel/ te vueren It(em) sullen de voirs(creven) wynne ongehoude(n)/ zijn den voirs(creven) janne jairlijcx te houden een verken/ op dat hij hem leidt en(de) selen de wynne(n) oic ge/ houden zijn ja(n)ne te besaeyen(e) gelijc den zijne(n) een/ mol(evat) lijsaets mair sal jan moeten den saet leve(re)n/ It(em) sal jan gehouden zijn dwoenhuys metten stallinge(n)/ te r(e)pare(re)n tusschen dit en(de) groot vastlavo(n)t soe dat/ de wynne d(aer)inne drooghe moege woene(n) ende/ de schue(r) te doen r(e)p(ar)are(re)n tusschen dit en(de) oegst/ naistcomen(de) soe dat hue(r) coren d(aer)inne wel en(de)/ drooge liggen moege It(em) sal de selve jan den/ voirs(creven) wynne leenen twee sacken saeyhave(re)n d(aer)voe(r)/ hem de voirs(creven) wynne gheve(n) sullen te bamesse/ naistcomen(de) soe vele gelts als hem de have(r) coste(n) sal/ / It(em) vand(en) iii[c] schooven stroos die de voirs(creven) he(n)rick seeght/ gecocht te hebben(e) die sullen de wynne en(de) de meest(er)/ half en(de) half betalen dit jair alleen(e) en(de) vortaen(e)/ sal d(aer)af zijn nae inhoudt vand(er) pechtinge(n) symoe(n)s/ voirs(creven) It(em) es voirw(er)de dat dweygelt jairlijcx/ vallen sal s(in)[te] m(er)tensmisse niet tegenstaen(de)/ wes d(aer)af in symoens pechtinge geruert staet/ Ende alle dese voirw(er)den (et)c(etera) cora(m) hove naus(nydere)/ januarii xv