SAL7775, Akte: R°273.4-V°273.1 (445 van 763)
Akte R°273.4-V°273.1
Act
Datum: 1490-02-22
Transcriptie
2021-01-21 door Karel EmbrechtsItem lijsbeth shanen weduwe pet(er)s wilen ackerman/
ter eende(r) henrick ackerman en(de) beatrijs zijne sust(er)/
kinde(re)n des voirs(creven) wilen pet(er)s van zijnen yersten/
bedde ter ande(r) zijden in p(rese)ncia hebben gekint ende/
geleden dat zij met malcande(re)n mynlijc eens/
wordden v(er)accordeert en(de) ov(er)comen zijn bij ond(er)wijse/
van hue(re)n magen en(de) vrienden in wed(er)zijde d(aer)toe ge/
nomen aengaen(de) den goeden beide have en(de) erve/
vliegen(de) erve en(de) erffelijke goede en(de) rinten staen(de) den/
huwelijck tusschen pete(re)n en(de) huer v(er)cregen d(aer)inne/
zij voir deen helicht voir hue(r) tocht meynde gericht/
te zijne en(de) voir dande(r) helicht inde erffelich(eit) vanden/
erfgoeden der pointen cond(ici)[en] en(de) voirw(er)den hier nae/
v(er)clairt die zij malcande(re)n geloeft hebben tot ewigen/
/
dagen tond(er)houden(e) ende te voldoen(e) Ende yerst dat/
den voirs(creven) twee kinde(re)n t(er)stont volgen sullen o(n)belet alle/
de goede beyde have en(de) erve en(de) vliegen(de) erve die/
de selve pet(er) en(de) lijsbeth shanen tsamen staen(de) hue(re)r/
beid(er) huwelijck beseten oft v(er)cregen moegen hebben/
hoedanich die zijn en(de) wair die belegen oft bevo(n)de(n)/
sullen wordden behalven alsulken lijne(n) laken wullen/
laken en(de) greyn als bynnen hue(re)n huyse es oft zij ond(er)/
heeft oft oic pe(n)ni(n)ge soe v(er)re zij enige ond(er) heeft/
dat huer die bliven sullen Desgelijcx sal huer d(aer)af oic/
volgen alle de have erve en(de) vliegen(de) erve van hue(re)r/
zijden gecomen en(de) die zij metten voirs(creven) pete(re)n inne/
brachte soe v(er)re die onvertiert wae(re)n ten tijde als/
de voirs(creven) pet(er) starf Item aengaen(de) den lijwate daer/
p(ar)tien questie afgemaict hebben als slapelaken(en) a(m)me/
laken(en) ende d(er)re gelijke sullen de voirs(creven) p(ar)tijen d(aer)af/
met malcande(re)n ov(er)comen en(de) soe v(er)re zij d(aer)af niet/
mynlijc ov(er)comen en connen(n) sullen de vie(r) goede ma(n)nen/d(aer)af met malcande(re)n die dit gemaict hebben p(ar)tijen/
d(aer)af v(er)lijken Ende voir hue(r) recht en(de) int(er)est dat/
de selve weduwe soude moegen hebben en(de) eysschen/
in toecomen(de) tijden inde ande(r) goede beide have erve/
en(de) vliegen(de) erve acht(er) den selven wilen pete(re)n gebleve(n)/
sullen de voirs(creven) kinde(re) der voirs(creven) weduwen gheven/
en(de) betalen de so(m)me van hondert rinschguld(en) te xx st(uvers)/
tstuc der nyeuw(er) mu(n)ten eens tvierdel gereet dand(er)/
vierdel te paesschen en(de) tsurplus te loven kermisse naistc(omende)/
Item sullen de voirs(creven) kinde(re)n betalen alle de sculden die/
de selve wilen pet(er) sculdich was soe v(er)re die noch o(n)betailt/
staen en(de) and(er)s niet Item sullen de voirs(creven) kinde(re) der/
voirs(creven) weduwen sculdich zijn te geven(e) vier tonnen/
goed(er) appelen en(de) een half vercken alsoe daer ge/
slagen was Item hebben de voirs(creven) p(ar)tijen malcande(re)n/
geloeft vanden inhouden(en) van des(er) ofts behoeft voirde(r)/
vestich(eit) te doen(e) ten coste des gheens die dat beghee(re)n/
sal ter plaetsen dair en(de) alsoe dat behoi(r)en sal ende/
soe v(er)re p(ar)tijen enige duyst(er)nisse hier inne hadden/
dat zij hen des sullen gedragen totten vie(r) goede/
mannen die dit tractaet gemaict hebben cor(am) hermeys/
naus(nydere) febr(uarii) xxii
Nagekeken door: kristiaan magnus
Moderator: kristiaan magnus
Laatste update:: 2018-07-16 door The Administrator