Opde calangie die bijden p(ro)cur(eur) ingelbrechts van alke/ made innebracht was inde banck voir meye(r) ende/ scepen(en) van loven(e) ind(er) saken die twee jair oft/ d(aer)omtri(n)t gehangen heeft tusschen den selve(n) ingel/ brechte en(de) meest(er) amelijs tou aengaen(de) den goeden/ gebleven nae de doot wilen meest(er) willems tou/ geheeten van delfst doctoirs inden geesteliken rechten/ als dat de voirs(creven) meest(er) amelijs die int sterfhuys/ gewandelt hadde yerst en(de) voir al eer men inde/ materie pri(n)cipale vortvae(re)n soude sculdich soude/ zijn bij eede over te bringen(e) ond(er) wet oft ond(er)/ den rechte alle de goede en(de) brieve(n) den sterfhuyse(n)/ aengaen(de) alsoe de voirs(creven) p(ro)cur(eur)s sustineerden D(aer)tegen/ de voirs(creven) meest(er) amelijs sustine(re)nde want dese sake/ alhier bijnae over twee jai(r)en ongesleten gehangen/ hadde en(de) d(aer)inne nae vele calangien soe v(er)re gep(ro)cedeert/ hadde geweest dat aensprake v(er)antw(er)den gebuert/ was en(de) elke p(ar)tie den ande(re)n zijn maesscap en(de)/ lijnaige bekint hadde D(aer)op scepen(en) alsdoen gemae(n)t/ hadden genomen hue(re)n raet en(de) verst en(de) begheert dat/ / p(ar)tien bij een gaen souden alsoe dat niet en resteerde/ dan tvo(n)nisse te geven(e) bynnen welken middelen/ tijde doirloge opde hant quam alsoe dat de sake/ alsdoen niet geutent en wordde Sustine(re)nde mits/ dien dat de voirs(creven) wed(er)p(ar)tie sculdich soude zijn de/ sake int pri(n)cipael te resumeren(e) en(de) te vernesschen(e)/ sond(er) die mits enig(er) calangien meer oft lange(r)/ te dylaie(re)n hem des gedragen(de) tott(er) wet Es bij/ scepen(en) van loven(e) ter maniss(en) smeyers gewesen/ met vo(n)nisse dat de voirs(creven) p(ro)cur(eur) sculdich sal zijn/ de materie int pri(n)cipael te resume(re)n ende te/ vernesschen(e) ende de calangie hielden de hee(re)n/ scepen(en) te henweerts in sca(m)pno p(rese)ntibus om(n)ibus/ de(m)pt(is) berghe hermeys m(ar)tii ii