Opde questie die voir den raide vand(er) stadt comen/ es tusschen willem(me) troye als mo(m)boir der wettig(er)/ kinde(re)n jans wilen troye en(de) pete(re)n vaes opden/ blauwe(n)putte aengaen(de) xxx schilden te xiiii st(uvers)/ tstuc die de selve pet(er) den voirs(creven) wilen janne/ van gecochten scapen sculdich es es nae dien/ de voirs(creven) p(ar)tien van hue(re)r questien hen gesubmitteert/ hadden inden raide vand(er) stadt get(er)mineert en(de)/ uutgesproken dat de voirs(creven) pet(er) de voirs(creven) xxx/ schilde betalen sal half in licht(er) mu(n)ten en(de) half/ in zwaerd(er) mu(n)ten deen helicht d(aer)af te paesschen/ en(de) dand(er) helicht te sinxen(en) naistcomen(de) te betalen(e)/quo in (con)s(ili)[o] opidi m(ar)tii ii