Alsoe als ten vervolge jans vanden berghe metsers/ geleydt zijnde to nae den rechte van des(er) stadt/ uut crachte van scepen(en) brieven van loven(e) tot/ alle de goede beide have en(de) erve henricx wilen/ marien soe wair die gelegen zijn met brieve(n) van/ des(er) stadt gescreve(n) es geweest aen den meye(r) van/ aersschot oft zijnen stadhoude(r) te langdorp hem alle/ de selve goede te leve(re)n en(de) te doen volgen oft den/ bring(er) vand(en) voirs(creven) brieven in zijnen name ende/ der weduwen des voirs(creven) henricx oft zij tegen de/ voirs(creven) leveri(n)ge yet hadde willen allege(re)n dach van/ rechte alhier te co(m)pare(re)n op heden dienen(de) inde banck/ voir meye(r) en(de) scepen(en) van loven(e) doen bescheiden/ Tot welken dage de voirs(creven) wed(uw)[e] noch nyema(n)t/ van hue(re)n wegen en es geco(m)pareert den voirs(creven) ja(n)ne/ co(m)pare(re)nde en(de) trecht vort versueken(de) soe hebben/ de scepen(en) van loven(e) yerst aengehoirt gielijse/ eveloege bode bode te voete van des(er) stadt die/ cleerde bij zijnen eede de leveri(n)ge en(de) dach beschei/ dinge behoirlijck geschiet te zijne ter manissen/ smeyers gewesen voir een vo(n)nisse datmen den/ voirs(creven) geleidden vanden voirs(creven) goeden houden soude/ inde macht van zijnen scepen(en) brieve(n) beleide soe/ v(er)re het noch voir scepen(en) comen es eisd(em)