Alsoe als ten vervolge claes vasont p(ro)cur(eur) des/ p(re)laets van vlierbeke geleydt zijnde nae den rechte/ van des(er) stadt uut crachte van scepen(en) brieve(n) van/ loven(e) tot alle den goeden beide have en(de) erve/ daneels en(de) jorijs wilen van mulstede gebruede(re)n/ soe waer die gelegen met brieve(n) van deser/ / stadt gescreven es geweest aen den meye(r) van/ halen oft zijnen stadhoude(r) te beetze hem alle/ de selve goede te leve(re)n oft [en(de)] te doen volgen oft/ den bring(er) der voirs(creven) brieven in zijnen name en(de)/ den huysvr(ouwen) der voirs(creven) gebruede(re)n hue(re)n kinde(re)n/ oft zij tegen de voirs(creven) leveri(n)ge yet hadden willen/ allege(re)n dach van rechte alhier te co(m)pare(re)n op/ heden dienen(de) inde banck voir meye(r) ende/ scepen(en) van loven(e) doen bescheiden Tot welken/ dage de voirs(creven) p(er)sonen niet en zijn geco(m)pareert/ den voirs(creven) p(ro)cur(eur) co(m)pare(re)nde en(de) trecht vort v(er)sueken(de)/ soe hebben de scepen(en) van loven(e) nae dien hen/ gebleken es bij rescriptien smeyers van halen de/ leveri(n)ge en(de) dach bescheidinge behoirlijck geschiet/ te zijne ter manissen smeyers gewesen voir een/ vo(n)nisse datmen den voirs(creven) geleidden vanden voirs(creven)/ goeden houden soude inde macht van zijnen scepen(en)/ brieven beleide d soe verre het noch voir hen/ scepen(en) comen es eisd(em)