Item jannes van beringe(n) die bijde m(ijnen) hee(re) den rijngreve/ gecoren en(de) genome(n) es totten o(n)tfange en(de) rintmeest(er)scape/ van zijnd(er) heerlich(eit) van rotselair werchte(r) haecht en(de)/ ande(re)n appenden(tien) heeft geloeft de chijsen rinten/ opcomi(n)gen en(de) v(er)vallen vand(en) voirs(creven) bewinde van/ rotselair wel en(de) getruwelijc op te heffen(e) en(de) inne te/ / heffen(e) bue(re)n nae zijn beste diligen(cie) d(aer)af altijt goede/ rekeni(n)ge en(de) bewijs te doen(e) en(de) betalinge doen den/ ghenen daen de voirs(creven) m(ijn) jonch(e)r believe(n) sal inne/ gaen(de) tselve alsnu en(de) due(re)nde tot bamesse naistcomen(de)/ de selve rekeni(n)ge moegen doen en(de) gestaen met/ allen faulte(n) En(de) nae bamisse met eene(n) ande(re)n nyeuwe(n)/ co(n)tracte datmen maken sal egheens d(aer)mede gestaen/ te moegen gestaen mair op alsulke vueghen als zij/ same(n)tlijc overcomen sullen ende sal hebbe(n) voir/ zijne(n) loon alle p(ro)ffijten die de rintmeest(er)s voirmaels/ gehadt hebben van accidencie(n) en(de) voir zijn stipendien/ tusschen dit en(de) bamesse xx rinschguld(en) en(de) voir/ zijn tabbart laken v rinschguld(en) ende vand(en) bewinde/ van werchte(r) voir zijne stipendie vii rinschguld(en) ta(m)q(uam)/ ass(ecutu)[m] cor(am) hermeys hove m(ar)tii xviii