Op de questie aengaen(de) den valeu(r)e vand(en) pe(n)ni(n)gen/ van dien xxxv m(ud)[d(en)] even(en) die de huysvr(ouwe) gorts vand(en)/ berghe inde lilie gecocht hadde tegen pete(re)n kisten/ en(de) gorde vanden berghe droochsceerde(r) beyde van thiene(n)/ elc mudde om ii rinschguld(en) d(aer)af ov(er)lang questie/ heeft geweest inde banck voir meye(r) en(de) scepen(en) van/ loven(e) van welken de voirs(creven) v(er)cop(er)s mair gelevert/ en hebben xvii mudden een halst(er) Es tusschen der voirs(creven)/ jouffr(ouwe) en(de) bellen vand(er) balct als borghe der voirs(creven) pet(er)s/ en(de) gorts van thienen die hen d(aer)af submitteerden inde/ mi(n)like uutsprake vand(er) stadt geappointeert ende/ uuytgesproken dat de voirs(creven) jouffr(ouwe) vand(en) b(er)ghe inde/ stadt vand(en) ii rinschguld(en) lichts gelts gheven en(de)/ betalen sal xv st(uvers) alsulcx alsnu cours heeft in (con)s(ili)[o]/ opidi m(ar)tii xvii