Ald(aer) voir den raide vand(er) stadt comen zijn symoen de/ keyse(re) en(de) jan de kempene(re) te kynnen geven(de) hoe dat zij/ onlancx voir daflivich(eit) henricx wilen diericx bij den/ selven wilen he(n)ricke wae(re)n gestelt en(de) geordineert/ executeurs van zijne(n) test(ament)e en(de) mo(m)boirs van zijne(n) kinde(re)n/ nae den welken zij g(er)ne hen souden pijnen te quiten/ mair bevonden hen in sulken laste soe om te v(er)vallen/ de sculden bijden voirs(creven) wilen he(n)ricke acht(er)gelaten soe om/ te v(er)vallen de lasten vand(en) v(er)heffen(en) der leenen den voirs(creven)/ kinde(re)n toebehoiren(de) dat zij bij hen selven de voirs(creven) lasten/ niet en souden connen v(er)vallen Begeren(de) d(aer)o(m)me dat/ hen wordde geconsenteert te moegen v(er)coopen soe vele dat/ de voirs(creven) lasten ten meeste(n) orboe(r) vand(en) voirs(creven) kinde(re)n d(aer)mede/ mochten wordden v(er)vallen en(de) [dat] tot hue(re)r ontlastingen e(n)nige/ hen mede wordden gevuecht vand(er) z moed(er) zijden der voirs(creven)/ kinde(re)n want zij beide zijn vand(er) zijden des vaders Es bijd(en)/ voirs(creven) raide in grooten getale v(er)gadert nae deliberacie/ hier op gehadt uuytgesproken en(de) get(er)mineert dat de voirs(creven)/ executeurs en(de) mo(m)boirs sullen sueken twee vand(en) naisten/ vand(er) zijden der moed(er) van goeden regime(n)te zijnde de/ welke gehouden sullen zijn de voirs(creven) mo(m)borie toesien en(de)/ dbesorch der voirs(creven) kinde(re)n te hebben en(de) te dragen en(de)/ dat zij tsamen alsoe vele selen moegen v(er)coopen als vand(en)/ goeden der voirs(creven) kinde(re)n en(de) die in hue(re)n name derven/ als behoeve(n) sal tot den vervallen der voirs(creven) lasten Or/ dine(re)nde vort dat zij gheen van des(er) doen en sullen zij/ en sullen maken staet vand(en) lasten en(de) claernisse van/ des zij souden willen v(er)coopen en(de) dan dat vorts handele(n)/ bij avijse van ja(n)nese vasont secretar(is) als ov(er)mo(m)boir van/ hen op dat der voirs(creven) weesen goet te bat soude moegen/ wordden geregeert in (con)s(ili)[o] opidi m(ar)tii xxvi