Alsoe als ten v(er)volghe g(er)ts de moer geleydt/ zijnde nae den rechte van des(er) stadt uut crachte/ van scepen(en) brieve(n) van loven(e) tot alle den goeden/ beyde have en(de) erve arnts wilen vanden scrieke/ soe wair die gelegen zijn gescreve(n) es geweest/ met brieve(n) van des(er) stadt aen den meye(r) van/ werchte(r) oft zijne(n) stadhoude(r) hem alle de selve goede/ te leve(re)n en(de) te doen volgen ende willem(me) van/ lare willem(me) van herbruggen en(de) ande(re)n mo(m)boirs/ magrieten vand(en) scrieke docht(er) wilen jans sone/ was des voirs(creven) wilen arnts oft zij hen tegen de/ voirs(creven) leveri(n)ge hadden willen oppone(re)n dach van/ rechte op heden dienen(de) bij v(er)strijkenisse van ge/ nechten alhier te compare(re)n inde banck voir meye(r)/ en(de) scepen(en) van loven(e) doen bescheiden Tot welken/ dage de voirs(creven) p(er)sone(n) noch nyema(n)t van hue(re)n wegen/ en zijn geco(m)pareert de willem(me) van lele als pr(o)cur(eur)/ des voirs(creven) g(er)ts co(m)pare(re)nde en(de) trecht vort v(er)sueken(de)/ soe hebben de scepen(en) van loven(e) yerst aengehoirt/ gielijse eveloege bode te voete van des(er) stadt/ die cleerde bij zijne(n) eede de leveri(n)ge en(de) dach/ bescheidinge voirs(creven) behoirlijck gedaen te zijne ter/ manissen smeyers gewesen met vo(n)nissen datme(n)/ den voirs(creven) geleidden vand(en) voirs(creven) goeden houde(n)/ soude inde macht van zijne(n) scepen(en) brieve(n) soe/ v(er)re het noch voir hen scepen(en) comen es in/ sca(m)pno cor(am) o(mn)ibus de(m)pto scoonvorst ap(ri)lis vi