Want arndt vanden hove geleydt zijnde nae den/ rechte van des(er) stadt uut crachte van scepen(en) brieve(n)/ van loven(e) tot alle den goeden beyde have en(de)/ erve der voirs(creven) gehuysschen soe wair die gelegen/ zijn hem mette(n) voirs(creven) ja(n)ne lenarts vorste(r) alle/ de selve goede heeft doen leve(re)n ende der voirs(creven)/ vrouwen in absen(cie) der voirs(creven) gehuysschen dach van/ rechte op heden dienen(de) alhier te compare(re)n inde/ banck voir meye(r) ende scepen(en) van loven(e) doen/ bescheiden Tot welken dage de voirs(creven) gehuysschen/ niet en zijn geco(m)pareert den voirs(creven) arnde co(m)/ pare(re)nde en(de) trecht voirt v(er)sueken(de) soe hebben de/ scepen(en) van loven(e) yerst aenghoirt den voirs(creven) vorste(r)/ die cleerde bij zijnen eede de leveri(n)ge en(de) dachbe/ scheydinge voirs(creven) geschiet te zijne ter manissen/ smeyers gewesen met vo(n)nisse datmen den voirs(creven)/ geleydden vanden voirs(creven) goeden houden soude inde/ macht van zijne(n) voirs(creven) scepen(en) brieve(n) soe v(er)re/ het noch voir hen scepen(en) comen es eisd(em)