Item goirt vanden berghe in p(rese)ntia heeft uutgegeve(n) peete(re)n/ van willebringen sone henr(ix) ende marien andries sijnder/ huysvrouwen een hoff metten wynnen(de) landen bogarden/ ende ande(re)n toebehoirten geleg(en) te wervelt inde prochie/ van libbeke Te houden te hebben ende te wynnen van/ halff merte lestleden eenen termijn van vie(r) jae(re)n lanck deen/ nae dander sonder middel vervolgen(de) elcx jairs d(aer)enbynne(n)/ om ende voe(r) te weten(e) de wynnen(de) landen om half de/ vruchten dair op wassende ende die opt velt jairlijcx/ te deylen(e) Item de voirs(creven) wyn sal gehouden sijn des/ voirs(creven) goirts deel yerst inder schue(re)n te vue(re)n It(em) de/ voirs(creven) wyn sal jairlijcx sijne(n) termijn due(re)nde voe(r)uuyt/ hebben inde stortte een half boender en(de) inde ii leste jae(re)n/ drie dach(mael) lants niet vanden erchsten noch vanden besten/ om dair op te saeyen(e) crucken oft pastue(re) ende eest dat/ hijs meer saeyt dair voe(r) sal de voirs(creven) goirt alsoe/ vele somercorens hebben van gelijker plaets(en) Item de voirs(creven)/ wyn sal zijne(n) termijn due(re)nde alle de voirs(creven) landen/ wynnen werve(n) ende mesten wel ende loflijck op sijn/ vie(r) getidige voren gelijck regenoten Item soe wa(n)neer/ men dair picken oft mayen sal soe sal de voirs(creven)/ goirt gehouden sijn int voirs(creven) hoff te synden(e) eene(n) p(er)soen/ om die banden te slane ende dair bij blive(n) alsmen/ tcoren inne doen sal Item de voirs(creven) goirt ende de/ wyn sulle(n) jairlijcx moete(n) coopen dertich mandele(n) stroots/ dair aff de voirs(creven) goirt de twee deelen betalen sal en(de)/ de voirs(creven) wyn tderdendeel ende de wyn sal gehouden/ sijn dat te halen(e) dairme(n) dat coopen sal en(de) leve(re)n int/ voirs(creven) hoff sonder cost oft last des voirs(creven) goirts Item/ desgelijcx salmen jairlijcx coopen totten voirs(creven) hove/ xii oft xv voede(re)n mest op dats behoeft ende d(aer)aff/ soe sal de voirs(creven) wyn tderdel betalen en(de) de voirs(creven)/ / goirdt de twee deelen Item sal de voirs(creven) wyn bynne(n)/ den voirs(creven) t(er)mijne moeten halen drie cuyten mergels ende/ de landen dair mede mergelen ende dien mergel/ sal goirt opde cuyte betalen ende de wyn dien moeten/ halen ende opt dlant vue(re)n mair de wyn sal hebben/ eene(n) sack have(re)n voir sijn perde va(n) elk(en) boender Item/ de wyn sal gehouden sijn jairlijcx te houden(e) een hondert/ scapen ende hij en sal die niet moegen uutleggen Item/ sal de wyn jairlijcx moeten leve(re)n op sijne(n) cost int/ voirs(creven) hoff ii[c] walmen om aldair int hoff te verdecken(e)/ ende alsmen datr verdect oft oick e(n)nich out werck int/ voirs(creven) hoff maict soe sal de voirs(creven) wyn dien wercluden/ den montcost geven ende de voirs(creven) dachue(re)n goirt/ de dachue(re)n betalen Item oft de voirs(creven) goirt e(n)nigen/ walm cochte om int voirs(creven) hoff te verdecken(e) dien sal de/ voirs(creven) wyn moeten leve(re)n int hoff desgelijcx allen den/ leem totten ouden wercke Item oftmen e(n)nige erweten/ sayde soe sal goirt de helicht vanden saeye leve(re)n Item/ sal de voirs(creven) wyn zijne(n) termijn due(re)nde hebben de weye/ inden bruel tgroot eussel achter thoff metten bog(ar)de dair/ aen gelegen thooge eeussel inde dyept ende den bosch/ geleg(en) inde diept elcx jairs om ende voe(r) xix/ hollan(sche) guld(en) te xvi stuvers tstuck ende iii(½) pl(a)c(ken) den stuver/ s(in)te m(er)tensmisse vallen(de) ende ombegrepe(n) bynne(n) meye/ volbetaelt te zijne dair aff hij voir den yerste(n) termijn/ gestaen sal met halve(n) weyghelde ende vande(n) ande(re)n/ eene(n) naistvolgen(de) jai(r)e sal de wynne dair aff gestaen/ met xii oft xiiii hollan(sche) guld(en) ten seggen(e) joes nijs en(de)/ arnts de smet henr(ix) sone Item es vorweerde dat de wyn/ voirs(creven) gheen ande(r) beesten opden bosch inde diept en sal/ laten gaen dan alleene p(er)den It(em) sal de voirs(creven) wyn jarlijcx/ sijn berringe hebben aen tvoirs(creven) goet te weten(e) aen/ stru(n)ceycken ende vorrelen mair hij en saelt niet hebben/ / aen tscaerhout opgaende hout ende aenden beempt geheete(n)/ den bruelbeempt anders dan sijn vermaken Item de/ voirs(creven) wyn sal gehouden sijn sijn huysing(en) dair hij inne/ woent zijne(n) termijn due(re)nde wel ende loflijck te houden/ gelijck hij die aenveerden sal vander onderster rijkelen/ nederweert ende alsoe die te laten(e) tot sijnen afscheyden(en)/ Item de voirs(creven) goirt ende de wyn sullen alle doeft/ opt tvoirs(creven) goet wassen(de) te gelijke deylen en(de) gelijck/ doen lesen sond(er) int hoefken acht(er) gorts huys aen/ dwat(er)ken ende den cleynen boegart d(aer)aen liggen(de)/ dwelc gordt alleen(e) hebben sal Item de voirs(creven)/ wyn sal gehouden zijn alle gorts greyn ende/ fruyt te loven te leve(re)n uuytgesceiden eist dat/ gorts deel vanden fruyte opde stat v(er)cocht wordt/ soe sal hij der leveringe(n) ongehouden zijn It(em) eist/ dat enigen wintslach quame soe sal de wyn/ tfruyt doen rapen en(de) dat sullen zij gelijck/ deylen It(em) sal de voirs(creven) wynne alle de lande ten/ lesten jai(r)e wel gewonne(n) en(de) besaeyt laten alsoe/ hij die aenverden sal It(em) de voirs(creven) gordt en sal/ niet moegen doen dersschen uut zijnd(er) schue(re)n/ voir s(in)[t] andriesmisse dan van elken greyne een/ mudde It(em) sal de voirs(creven) wynne gehouden zijn/ zijne(n) t(er)mijn due(re)nde alle de wat(er)loepen ende/ wegen omtri(n)t den landen en(de) beemde(n) die hij/ in pechtinge(n) heeft ruymen en(de) vvagen o(m)tri(n)t/

den landen en(de) beemde(n) op zijne(n) cost soe in/ tijts dat daer gheene schade af en come en(de)/ oft daer enige schade af quame die sal hij/ gehouden zijn te betalen It(em) de wyn sal ge/ houden zijn zijne(n) meest(er) jairlijcx te doen(e) drie/ corweyden te loven(e) en(de) soe wa(n)neer hij die/ doet selen hij en(de) de p(er)den den cost hebben It(em)/ / desgelijcx alle paesschen twee platte kesen en(de) een/ hondert eyeren It(em) sal de wynne hebben ten/ naisten oighste alle dwint(er)coren op de voirs(creven)/ goede wassen(de) It(em) sal gordt zijne(n) wynne leve(re)n/ alle tsomer saeytcoren van des(en) en(de) den naisten ande(re)n/ eeve(n) jai(r)en Ende alle dese voirw(er)den (et)c(etera) cor(am)/ hermeys donck ap(ri)lis xix