It(em) jan tielens sone wilen godevarts en(de) alijt hermans/ zijn wijf in p(rese)ncia mei no(ta)rii et testiu(m) (et)c(etera) hebbe(n) gekint/ en(de) gelijdt dat m(ijn) voirs(creven) hee(r) de p(re)laet van vlierbeke hen/ heeft gelevert in leeni(n)gen de p(ar)cheele(n) hier nae volgen(de)/ Te weten(e) inden yerste(n) twee p(er)de(n) met twee ha(m)men een/ ploech mette(n) ysere(n) en(de) mette(n) coppele(n) It(em) een ander ploech sond(er)/ yseren en(de) coppele(n) It(em) een eechde en(de) noch een strijcploech/ mette(n) ysere tsame(n) geestimeert en(de) geschat op eenentwintich/ goud(en)en andr(ies) guld(en) It(em) noch vie(r) coyen geestimeert ende/ geschat op vijfentwintich goud(en) andr(ies) guld(en) Welke p(ar)cheele(n)/ de voirs(creven) gehuyssche(n) onbesundert onv(er)sceyde(n) en(de) elc voir al gelooft hebbe(n)/ den voirs(creven) p(re)laet dat accepte(re)nde wed(er) te leve(re)n ten ynde vand(en) drie/ yerste(n) jare(n) ten prijse en(de) weerde(n) voirs(creven) met cond(icien) soe verre die alsda(n)/ beter wae(re)n sal m(ijn) hee(r) hen dat oplegge(n) en(de) wordde(n) zij arge(r) oft min/ weert bevonde(n) sulle(n) zij dat m(ijnen) hee(re) oplegge(n) Ita p(ro)mis(eru)nt in man[(us)]/ mei no(ta)rii sub pena exco(mmunication)is in for(ma) acta sunt hec apud beetse ante/ porta(m) curie p(re)d(i)c(t)i d(omi)ni nu(n)cup(atur) ter mo(n)nict p(rese)nt(ibus) ibid(em) test(ibus) vo(ca)t(is) et rogat(is)/ joh(ann)e vlas clerico joh(ann)e de udekem et arnoldo lonijs leod(iensis) dyoces(is) ap(ri)lis xix a(nno)/ xc ho(ra) su(m)me misse vel circit(er)