Alsoe als ten v(er)volge meest(er) golijns van tsestich geleydt/ zijnde nae den rechte van des(er) stadt uut crachte van/ scepen(en) brieve(n) van loven(e) tot alle den goeden beide/ have en(de) erve andries wilen vette(re) geheeten van/ basene soe wair die gelegen zijn gescreve(n) es ge/

weest met brieve(n) van des(er) stadt aen gescreve(n)/ / aen den meye(r) van bierbeke oft zijne(n) stadhoude(r)/ te ha(m)me hem alle de selve goede te leve(re)n oft den/ bring(er) der voirs(creven) brieve(n) in zijne(n) name ende der/ weduwen des voirs(creven) andries oft zij haer tegen de voirs(creven)/ leveri(n)ge hadde willen oppone(re)n dach van rechte op/ heden dienen(de) alh(ier) te compare(re)n inde banck voir/ meye(r) en(de) scepen(en) van loven(e) doen bescheiden Tot/ welken dage de voirs(creven) wed(uw)[e] noch nyema(n)t van/ hue(re)n wegen en es geco(m)pareert den voirs(creven) geleidden/ co(m)pare(re)nde en(de) trecht vort v(er)sueken(de) soe hebben de/ scepen(en) van loven(e) yerst aengehoirt pauwelen bierman/ bode te voete van des(er) stadt die cleerde bij zijne(n) eede/ de leveri(n)ge en(de) dach besceydinge voirs(creven) gedaen te/ zijne ter manissen smeyers gewesen voir met vo(n)niss(en)/ datmen den voirs(creven) geleidden vand(en) voirs(creven) goeden/ houden soude inde macht van zijne(n) scepen(en) brieve(n)/ beleide soe v(er)re het noch voir hen scepen(en) comen/ wae(r) et in sca(m)pno cor(am) o(mn)ibus de(m)pt(is) scoonvorst/ hermeys ap(ri)lis penult(ima)