Alsoe als ten vervolge henricx bericx geleydt/ zijnde nae den rechte van des(er) stadt uut crachte/ van scepen(en) brieven van loven(e) tot alle den/ goeden beide have en(de) erve ond(er) den ande(re)n hubrechts/ en(de) willems maersscalck soe wair die gelegen/ zijn gescreven es geweest met brieve(n) van des(er)/ stadt aen den meye(r) vand(er) gheten oft zijne(n) stadhoude(r)/ tot raetshove(n) hem alle de selve goede te leve(re)n/ en(de) te doen volgen oft den bring(er) der voirs(creven) brieve(n)/ in zijne(n) name ende den voirs(creven) p(er)sone(n) ende/ he(n)ricke loyarts oft zij hen d(aer)tegen hadden wille(n)/ oppone(re)n dach van rechte op heden dienen(de) alhier/ te compare(re)n inde banck voir meye(r) en(de) scepen(en) van/ loven(e) doen bescheiden Tot welken dage de voirs(creven)/ p(er)sonen noch nyema(n)t van hue(re)n wegen en es geco(m)/ pareert den voirs(creven) geleidden co(m)pare(re)nde en(de) trecht/ vort v(er)sueken(de) soe hebben de scepen(en) van loven(e)/ yerst aengehoirt bouwen(en) bellens bode te voete/ van des(er) stadt die cleerde bij zijne(n) eede de leve/ ringe ende dach bescheidinge gedaen te zijne ter/ maniss(en) smeyers gewesen met vo(n)nisse(n) datmen den/ voirs(creven) geleidden vand(en) voirs(creven) goeden houden soude/ inde macht van zijnen scepen(en) brieve(n) beleide/ soe verre het noch voir hen scepen(en) comen es/ eisdem