Ald(aer) voir den raide vand(er) stadt comen zijn arndt/ meys als man en(de) mo(m)boir katline(n) boens zijnd(er)/ huysvr(ouwe) peter vand(er) hoeve(n) ende wille(m) van lele/ als geleidde nae des(er) stadt recht uut crachte van/ / scepen(en) brieven van loven(e) tot alle den goeden have/ en(de) erve der selver gehuysschen soe wair die gelegen/ zijn die ontboden hadden de executeurs en(de) mo(m)boirs/ vanden testeme(n)te der weduwen claes wilen boens/ moed(er) der selver katline(n) en(de) claese van wynge ter/ eenre en(de) de voirs(creven) executeurs te weten(e) pet(er) de/ naen en(de) jan van dormale ter ande(r) zijden Beg(er)den/ de voirs(creven) gehuysschen en(de) geleidde vand(en) voirs(creven) executeurs/ en(de) claese alle de brieve(n) cedullen gescriften rollen/ mu(n)imente(n) en(de) mandeme(n)ten wesen(de) inden voirs(creven)/ sterfhuyse die de voirs(creven) executeurs en(de) claes ond(er)/ hadden en(de) d(aer)af zij wisten te spreken(e) gebracht/ te zijne alhier ond(er) wet tot behoef van hen/ en(de) eenen yegeliken recht d(aer)toe hebben(de) sustine(re)nde/ dat dat alsoe behoirde en(de) nae des(er) stadt recht/ sculdich wae(r) te geschien(e) D(aer)tegen de voirs(creven) exe/ cuteurs seyden dat de voirs(creven) claes die inden/ sterfhuyse gewandelt hadde uuyt(er) stadt was dat/ zij hoe wel zij executeurs wae(re)n noyt bynne(n)/ den selven sterfhuyse geweest en hadden noch/ v(er)keert sustine(re)nde mits dien want tsterfhuys/ niet goet te bewandelen en was mits dat de/ wed(uw)[e] vand(er) haestig(er) siecten gestorve(n) was dat zij/ vanden ov(er)bringen(en) der brieven ongehouden soude(n)/ zijn Oic hadden zij v(er)staen van claese dat zijne/ meyni(n)ge was yerst uut te behouden(e) de brieve/ soe v(er)re die anth(onijs) zijne(n) vad(er) die bynne(n) den/ sterfhuyse oic gewoent hadde en(de) aflivich wordden/ was en(de) hem alleen(e) aenghingen D(aer)tegen de/ voirs(creven) arndt en(de) zijn medeplege(re)n sustineerden/ dat alle brieven hoedanich die wae(re)n sculdich/ souden zijn te comen(e) ond(er) wet soe v(er)re die/ bynne(n) den sterfhuyse wae(re)n oft geweest hadden/ en(de) dat claes bij hem selve(n) gheene macht en/ soude hebben de zijne voir uut te hebben(e) sond(er)/ die yerst bijder wet oft p(ar)tijen of mynlijck gevi/ siteert te zijne P(rese)nte(re)nde soe verre dexecuteurs/ bynne(n) den sterfhuyse niet en dorsten wandele(n)/ oft v(er)kee(re)n dat zij die souden [doen] uuythalen tot/ hue(re)r sorgen en(de) perikele bijde ghene die de/ selve brieve souden bringen ond(er) wet p(er)siste(re)nde/ / alsoe in hue(re)r voirs(creven) co(n)clusien Es bijden raide vand(er)/ stadt get(er)mineert en(de) uutgesproken dat dexecuteurs/ sculdich sullen zijn alle brieven cedullen gescriften/ rollen mu(n)imente(n) ende mandemente(n) hoedanich/ die zijn ond(er) wet te bringen(e) tot behoef vand(en)/ ghenen recht d(aer)toe hebben(de) ende soe verre dexe/ cuteuts die bynnen den sterfhuyse niet en derren/ halen dat arndt die sal moegen doen halen en(de)/ bringen ond(er) wet tot behoef als voi(r)e in (con)s(ili)[o]/ opidi ap(ri)lis ultima