Cond zij allen lieden dat jan crabbe sone wijlen thomaes in/ p(rese)ncia heeft genome(n) en(de) bekint genome(n) te hebben(e) van/ janne van halle als p(ro)cur(eur) karoels van poitiers thoff/ desselfs karoels geheete(n) ricxvonde(r) gelege(n) bynne(n) loeven(e)/ mette(n) wynnen(de) lande(n) boeg(ar)d(en) beempde(n) d(aer) acht(er) aen/ gelegen en(de) elf dachmael weyden gelege(n) inde beghijne(n)/ beempden gelijc gheert wijlen vande(n) panhuyse dat in/ pechtinge(n) gehouden heeft Te houden te hebben en(de) te/ wynne(n) van half m(er)te lestleden eene(n) t(er)mijn va(n) tweelf/ jae(re)n lang due(re)nde deen nae dande(r) v(er)volgen(de) elcx/ jairs dae(re)nbynne(n) om en(de) voe(r) dlant dwelc es/ vijfthien boende(re)n paulo drieen(de)dertich mudden/ core(n)s pagabil(is) cu(m) va(n)no sinte andriesmesse/ ap(oste)ls te betalen(e) en(de) bynne(n) loeven(e) d(aer) dat den voers(creven)/ karolen oft zijne(n) p(ro)cur(eur) believe(n) sal te leve(re)n [quol(ibe)t ass(ecutu)[m]] Met/ vorweerden dat de voers(creven) wynne vande(n) yersten/ drie jae(re)n niet meer betalen en sal dan halve(n)/ pacht ende de voers(creven) weyde om en(de) voe(r) tween(de)twintich/ holl(ansche) guld(en) te xvi stuv(er)s tstuc den stuv(er) te drie pl(a)c(ken)/ sinte m(er)tensmesse te betalen(e) den voers(creven) karolen oft/ zijne(n) p(ro)cur(eur) als voe(r) quol(ibe)t ass(ecutu)[m] Dies sal de wyn/ de weyde buyte(n) gelege(n) de yerste twee jae(re)n om niet/ hebben mair sal betalen de weyde bynne(n) loeven(e)/ gelegen nae avena(n)t vand(er) groott(er) vand(en) beempde(n)/ It(em) sal de voers(creven) wyn de voers(creven) goed(en) den voers(creven) t(er)mijn/ lang due(re)nde houde(n) wynne(n) en(de) drive(n) en(de) mesten/ wel en(de) loflijc gelijc regenoote(n) bove(n) en(de) benede(n) alsoe/ wel de voirste als de naeste en(de) die laten tzijnen/ afsceyden gelijc hier nae volght Te weten(e) vijf/ boende(re)n en(de) een dachmael met wynt(er)coren(en) en(de) die/ laten vol besayt sinte denijsmesse die stortte eens/ / o(m)megedaen de brake geheel en(de) en sal de voers(creven)/ landen bynne(n) den lesten drie jae(re)n niet moegen/ hoervruchte(n) It(em) sal de voers(creven) wynne houde(n) in/ goede(n) state de huysing(en) vand(en) voers(creven) hove vand(er)/ underster rijkelen ned(er)weerts It(em) sal de voers(creven)/ wyn jairlijcx zijne(n) meest(er) moete(n) leve(re)n tott(er)/ r(e)p(ar)acie(n) vande(n) voers(creven) hove xxv ma(n)dele(n) walms/ en(de) de meest(er) sal den werclieden den mo(n)tcost/ geve(n) It(em) sal de voers(creven) wyn alle jae(re) moeten/ betale(n) [in afslage van sijnd(er) pechtingen] alle chijse uute(n) voers(creven) goede(n) gaen(de) soe/ in tijts dat den voers(creven) meest(er) noch zijne(n) goede(n)/ gheene scade d(aer) bij en gebue(re) en(de) oft d(aer) e(n)nige/ scade op gedaen wordde dat sal zijn ten laste/ vande(n) voers(creven) wynne It(em) en sal de voers(creven) wyn/ gheen stroo vande(n) voers(creven) land(en) comen(de) moege(n)/ te nieute bringe(n) met brande oft and(er)s mair tselve/ stroo met zijne(n) beeste(n) ette(n) te meste bringe(n) en(de) opde/ voers(creven) lande vue(re)n alsoe wel opde verste als opde/ naeste en(de) op gheene ande(r) behalve(n) dat de voers(creven)/ wyn int voers(creven) hoff ten leste(n) jae(r) des(er) pechtinge(n) laten/ sal redelijc mest met oic alle den stroo als hij ten/ selve(n) jae(r) vande(n) land(en) inne doen sal It(em) sal de/ voers(creven) wynne hebben alle alsulken ooft als inden voers(creven)/ boeg(ar)t wassen sal It(em) sal de voers(creven) wynne alle sesse/ jae(re)n moeten tvoers(creven) lant tweewerve(n) mesten It(em) en sal/ de voers(creven) wyn gheen coren opde voers(creven) lande wassen(de)/ opt velt moege(n) v(er)coope(n) mair dat int voers(creven) hoff bringe(n)/ en(de) tstroo uten hove niet vue(re)n noch v(er)coopen It(em) sall/ de voers(creven) wyn tvoers(creven) hoff houden van grechte(n) en(de) va(n)/ luyken alsoeme(n) dat sculdich es van doen(e) en(de) ten leste(n)/ jae(r) dat wel bevreet laten en(de) den lueck die dair/ / af ov(er)blijft die sal de voers(creven) p(ro)cur(eur) hebben zijne(n) wille dair/ mede te doen(e) It(em) sal de voers(creven) wyn de beken en(de) straten/ vande(n) voers(creven) goede(n) buyten der veste(n) van loeven(e) gelege(n)/ den voers(creven) t(er)mijn due(re)nde wel ende loflijc houden/ It(em) sal de voers(creven) p(ro)cur(eur) jairlijcx den voers(creven) wynne moete(n)/ geve(n) vier ellen [wullens] lakens elc elle ten p(ri)se van xii stuv(er)s/ It(em) en sal de voers(creven) wyn nieman(de) and(er)s sond(er) weten(e)/ oft (con)sent des voers(creven) p(ro)cur(eur)s dese goede oft oick e(n)nich/ p(ar)cheel cleyn oft groot den voers(creven) t(er)mijn due(re)nde moege(n)/ uutgeve(n) It(em) sal de voers(creven) wyn jairlijcx sculdich zijn/ te doen(e) twee carweyde(n) en(de) smeest(er)s wijn ald(aer) wassen(de)/ vue(re)n ten huyse des voers(creven) p(ro)cur(eur)s bynne(n) loeven(e) [b] En(de)/ alle dese vorweerde(n) (et)c(etera) [a] et ex dein(de) su(n)t fid(eiussores) coloni/ jan yden yden sone wijlen henr(ix) va(n) loeven(e) en(de) henrick/ coens sone jans woenen(de) te hev(er)le et p(ri)mus cor(am)/ hove donct ap(ri)lis xxix