Nae dien hee(r) ende meest(er) jacop boeg(ar)t doctoir in/ medicine(n) en(de) lodewijck baets als mo(m)boirs der/ wettig(er) kinde(re)n everarts wilen spapen den raide/ vand(er) stadt te kynne(n) hebben gegeve(n) den groote(n)/ zwae(re)n last en(de) schade die de selve kinde(re) inden/ orloge aen hue(r) goede geleden hebben en(de) besund(er)/ aen hue(r) hof gelegen over de loe bijder siekeliede(n)/ te grueni(n)gen dat afgebrant was dwelc hen/ niet moegelijc en wae(r) te moegen maken oft/ r(e)pare(re)n mits dat zij vand(en) goeden oft rinten/ der selver kinde(re)n gheenssins en conste(n) betalinge/ gecrigen En(de) soe verre nochtan tselve hof niet/ gemaict oft gerepareert en wordde soude dat/ comen tot grooten acht(er)deele en(de) v(er)derffelike scaden/ der selver kinde(re)n want de wynne tcoren ten/ naisten oighste niet en soude weten inne te doen(e)/ Baden d(aer)om en(de) v(er)sochten dat hen bijder stadt ge/ ordineert en(de) geconsenteert wordde soe vele opde/ goede der selver kinde(re)n te moegen belasten oft/ v(er)coopen d(aer)mede men tselve hof soude moegen/ repare(re)n Es bijden selve(n) raide get(er)mineert en(de)/ geconsenteert dat deselve mo(m)boi(r)en der kinde(re)n/ goede sullen moegen belasten tot xii rinschgul(den)/ erflic toe om hen d(aer)mede te behulpen behalve(n)/ dat de selve mo(m)boe(re)n d(aer)af sculdich sullen zijn/ goede rekeni(n)ge te doen(e) in (con)s(ili)[o] opidi maii xii