Opde questie die comen es voir den raide vand(er)/ stadt tusschen janne nijs vettewarier woute(re)n/ vanden broeke stroodecke(r) aengaen(de) der betalinge(n)/ / van vi croonen eens die de voirs(creven) wout(er) den/ selven janne sculdich was uut saken van zeke(re)n/ landen die hij tegen hem te pachte genomen hadde/ om vi croone(n) tsjaers die de voirs(creven) wout(er) meynde/ te betalen(e) met lichten gelde want hij die seyde/ bynnen der mae(n)t gestelt te hebben(e) ond(er) wet tot/ zijne(n) behoef En(de) de voirs(creven) jan nijs sustineerde/ want hij dlant genomen hadde om vi croone(n)/ jairlijcx xv dage in m(er)te te betalen(e) alsoe bleeck/ bij eenen cyrograve dwelc de voirs(creven) jan exhibeerde/ en(de) d(aer)af hem jan den eedt deylde dat hijt alsoe/ d(aer)op genomen hadde die de voirs(creven) wout(er) niet aen/ en nam en(de) de questie alleen(e) was vanden/ termijne te merte lestleden gevallen dat hij/ gelt hebben soude alsoe nu ganck hadde en(de) dat/ hem tsetten vand(en) gelde gheene ontstade doen/ en soude want voir den valdach gevalle(n) was/ Es get(er)mineert dat p(ar)tien hen vuegen sullen/ naevolgen(de) den cyrograve en(de) dat de voirs(creven) wout(er)/ d(aer)voi(r)e geven sal alsulken gelt als ganck hadde/ ten valdage Act(um) in (con)s(ili)[o] opidi maii xii