Acht(er)volgen(de) der submissien xii dage in m(er)te lestleden/ geschiet tusschen janne breeman cuype(r) ter eenre/ zijden janne promp als tochte(r) vanden huyse/ d(aer)inne hij woent inde hoelstrate gelegen naist/ den slotel des voirs(creven) jans breeman he(n)ricke bollen/ zijnd(er) huysvr(ouwe) en(de) ad(ri)ane promp kinde(re)n des voirs(creven)/ jans als erfliede vanden selve huyse v aengaen(de)/ beider voirs(creven) p(ar)tien erve achter hue(r) voirs(creven) huysen ter/ ande(r) zijden Es der stadt meest(er)s uuytsprake yerst/ aengaen(de) den huysken(en) dat jan breeman heeft/ doen maken op tgestijpte aen jans promp stal/ dat tselve huysken sal bliven staen(de) behalven/ dat hij den muer van promp stalle sal doen op/ maken van totten dake toe soe verre thuysken/ strect en(de) en sal jan breeman dlicht vanden stalle/ / oft ande(r) erve des voirs(creven) jans pormp niet meer/ benemen oft beco(m)me(re)n dan alsoet nu es It(em) sal/ breeman moeten hangen en(de) houden op zijnen/ cost eene gote aen daecxken vanden voirs(creven) huysken(en)/ soe lanck als tdaexken es op dat promp moege drooge/ in zijne(n) stal gaen en(de) uuytcomen It(em) sal breeman den/ want opt gestijpte staen(de) lancx opden muer tussche(n)/ beide derven voirs(creven) moeten stellen linie rechte ende/ op zijnen cost It(em) promp en(de) zijn kinde(re) sullen sculdich/ zijn te doen stellen int gat vanden muer daer/ dwat(er) van hue(re)r erven doir loopt yse(r)calu(m)pnen/ staen(de) bij een drie op ii duymen en(de) sal tvoirs(creven) gat/ zijn van viii duyme(n) hooge en(de) vi duymen breet/ op hue(re)n cost dair doire promp alle gemeyn water/ sal moegen leyden en(de) uuytghieten Bliven(de) and(er)ssins/ alsulken scepen(en) brief aengaen(de) den voirs(creven) erven als/ tusschen p(ar)tien voirs(creven) es in zijnd(er) weerden cor(am) hove/ naus(nydere) maii xv