Nae dien henrick hannarts met drie rasteme(n)ten/ behoirlijc nae des(er) stadt recht gevolght heeft op zeke(r)/ goede wout(er)s hannarts zijns brued(er)s wesen(de) inden/ huyse symoens symoens voir seke(r) scult die hij/ / zijne(n) brued(er) eysschen(de) was de conde aen den voirs(creven)/ woute(re)n gedaen es geweest in gevalle oft hij d(aer)tege(n)/ yet wilde allege(re)n te compare(re)n alhier inde banck/ voir meye(r) ende scepen(en) van loven(e) op heden Ald(aer)/ de voirs(creven) wout(er) niet en es geco(m)pareert den voirs(creven)/ henr(icke) co(m)pare(re)nde en(de) trecht vort v(er)sueken(de) soe es/ op heden bij scepen(en) van loven(e) ter manissen smeyers/ gewesen met vo(n)nisse nae dat hen bij claerniss(en)/ joes peysman en(de) willems claes vorste(re)n van des(er)/ stadt gebleken es de voirs(creven) drie rastemente(n) behoirlijc/ nae recht geschiet te zijne dat de voirs(creven) henr(ick)/ zijn scult aen de voirs(creven) goede sal moege(n) v(er)halen met/ alle coste(n) en(de) co(m)mer behalve(n) ofter overt dat sal hij/ wed(er)kee(re)n en(de) oft(er) gebrect dat sal hij moege(n) volge(n)/ met rechte in sca(m)pno cora(m) om(n)ibus scabinis junii xix