It(em) de voirs(creven) h(er) henrick baers henrick veke(n)stijl en(de)/ joes vrancx hebben gecleert bij hue(re)r manwairheid(en)/ dat tvoirs(creven) v(er)coop geschiet es ten meesten orboe(r)/ en(de) p(ro)ffijte der voirs(creven) weduwe en(de) hue(re)r kinde(re)n/ om d(aer)mede te vervallen(e) alsulke sculden als/ de selve wilen qui(n)ten div(er)sen p(er)sone(n) sculdich es/ wel gedragen(de) ter so(m)men van ii[c] lx r(insch)guld(en) xx m(ud)[d(en)]/ corens eens sond(er) den last van kercrechte(n) en(de)/ ande(r) sculden van div(er)sen erf en(de) lijfrinte(n) die de/ / selve qui(n)ten met scepen(en) brieve(n) van loven(e) sculdich/ es Welke statsculden oft die bynne(n) des(er) maent/ naevolgen(de) der ordinan(cie) nu voir kersmisse gepubliceert/ niet betailt en wordden souden moeten betailt/ wordden in swae(re)n gelde d(aer)aen de selve wed(uw)[e] wel/ de tweedeel vanden pe(n)ni(n)gen soude v(er)liesen en(de)/ meer soude moeten betalen eisd(em)