Alsoe als ten vervolge jans de walssche als/ geleydt nae den rechte van des(er) stadt uut crachte/ van scepen(en) brieve(n) van loven(e) tot alle den goede(n)/ beide have en(de) erve jans de moer en(de) katline(n)/ zijnd(er) huysvr(ouwe) soe waer die gelegen zijn hem/ met brieve(n) van des(er) stadt gescreve(n) aen den/ meye(r) van hev(er)le oft zijne(n) stadhoude(r) alle de/ selve goede heeft doen leve(re)n oft den bringhe(r)/ vand(en) voirs(creven) brieve(n) in zijne(n) name ende den/ voirs(creven) gehuyssche(n) oft zij he(n) d(aer)tegen hadden wille(n)/ oppone(re)n dach van rechte op heden dienen(de) alh(ier)/ te co(m)pare(re)n inde banck voir meye(r) en(de) scepen(en)/ van loven(e) doen bescheiden Ald(aer) de voirs(creven) geh(uysschen) noch/ nyema(n)t van zijnen wegen en co(m)pareerde den voirs(creven)/ geleidden co(m)pare(re)nde en(de) trecht vort v(er)sueken(de) soe/ hebben de scepen(en) van loven(e) yerst aengehoirt/ den voirs(creven) gielijse den bode die cleerde bij zijne(n)/ eede de leveri(n)ge en(de) dach bescheidinge bijde(n)/ voirs(creven) meye(r) gedaen te zijne ter manissen smeyers/ gewesen voir een vo(n)nisse datmen den voirs(creven) geleidde(n)/ vand(en) voirs(creven) goeden houden soude inde macht van/hue(re)n zijne(n) voirs(creven) scepen(en) brieve(n) beleide soe v(er)re het/ noch voir hen scepen(en) comen es eisd(em)