Ald(aer) magriete borcharts wed(uw)[e] henricx wilen/ van breetzijp o(n)tboden hadde voir den raide/ vand(er) stadt katline borcharts natuerlijke docht(er)/ gielijs wilen borcharts brued(er)s der voirs(creven) magriete(n)/ om deswille dat de voirs(creven) katline meynde/ te houden(e) en(de) te rege(re)n cornelijse borcharts wettich/ sone des voirs(creven) gielijs borcharts [ond(er) zijn dage(n)] met zijne(n) goeden/ en(de) rinte(n) als naiste maghe desselfs D(aer)tegen de/ voirs(creven) magriete seyde hoe wel katline sust(er) es/ vand(en) voirs(creven) cornelijse dat zijs nochtan nairde(r)/ wae(r) dan zij wa(n)t katline natuerlijc ende/ o(n)wettich es bege(re)nde oic wed(er) gebracht te/ hebben(e) tghene dat zij mette(n) kinde uuyte(n)/ sterfhuyse der voirs(creven) wilen gehuyssche(n) gedrage(n)/ hadde soe nae recht vand(en) sterfhuyse behoirde/ Met meer woirden in wed(er)zijden gealleg(er)t/ / es bijden raide vand(er) stadt get(er)mineert en(de)/ uuytgesproken dat de voirs(creven) magriete tkint/ met zijnen goeden houden en(de) r(e)ge(re)n sal en(de)/ dat de voirs(creven) katline sal sculdich sijn der voirs(creven)/ magrieten wed(er) te geven(e) dat zij uute(n) sterf/ huyse gedragen heeft cor(am) a(m)bobus burg(imagistr)[is]/ vos le(m)mens (con)s(iliariis) nove(m)br(is) xii