Condt zij allen lieden dat ghijsbrecht vand(er) meren/ van voshem in p(rese)ncia heeft genomen en(de) bekint/ genomen te hebben(e) tegen adriaen(en) van heyl/ wigen rintm(eeste)r m(ijns) gened(ichs) hee(re)n ind(er) stadt van/ loven(e) thoff desselfs adriaens geheeten thoff/ ter saert mette(n) wynnen(de) land(en) en(de) zijne(n) toe/ behoirten gelijck henrick wilen vanden bossche/ / dat gehouden heeft Te houden te hebben en(de)/ te besitten van half meye naistcomen(de) eene(n)/ termijn van xii jai(r)en lang due(re)nde deen nae dand(er)/ sond(er) middel vervolgen(de) elcx jairs dae(re)nbynne(n)/ om en(de) voir de helicht vanden vruchte(n) d(aer)op/ wassen(de) It(em) om deswille dat dla(n)t vand(en) voirs(creven)/ hove den meeste(n) deel o(n)gewonne(n) en(de) o(n)besaeydt es/ mits der orloge(n) voirledene(n) soe es voirw(er)de dat/ de voirs(creven) d wynne t(er)stont tvoirs(creven) lant dat onge/ ackert en(de) ongewonne(n) es wel en(de) loflijc sal/ acke(re)n mesten en(de) labore(re)n tot somer aerde ende/ dat besaeyen met somer coren soe dat behoirt/ en(de) dla(n)t behoirlijc sijn sal ten meeste(n) p(ro)ffijte/ d(aer)toe de voirs(creven) adriaen sculdich sal zijn te leve(re)n/ tvoirs(creven) saeytcoren vanden somer aerde voirs(creven) hier/ inne besproken dat de voirs(creven) wynne sal hebbe(n)/ de helicht vanden vruchte(n) d(aer)af comen(de) Te/ weten(e) alsoe wel vand(en) wynt(er)coren(en) dwelc de/ voirs(creven) adriaen heeft doen besaeyen tot omtri(n)t/ de ix oft x boend(er) d(aer)inne begrepe(n) i(½) boend(er)/ toebehoiren(de) s(in)[t] joes outaer te ned(er)ijssche als vand(en)/ voirs(creven) somer arnde Voir welken loon ende/ arbeyt en(de) ten behulpe vand(en) voirs(creven) wynne/ de voirs(creven) adriaen hem te goede doen sal en(de)/ gheve(n) de so(m)me van veertich rinschguld(en) eens/ te xx st(uvers) tstuc vie(r) mudde(n) rogs en(de) vie(r) m(ud)[d(en)]/ even(en) eens ten ond(er)houden(en) van zijne(n) huysge/ synne en(de) p(er)den It(em) sal oic de voirs(creven) adriaen/ sculdich zijn te leve(re)n de helicht vanden/ saeytcoren vand(en) toecomen(de) wynt(er) aerde te weten(e)/ te bamisse a(n)nno xc en(de) van dan vortaen sal niet meer It(em) sal/ de wynne jairlijcx als de vruchte(n) tijtveerdich/ zijn inne [te] doen dat zijne(n) meest(er) late(n) weten/ om liede van zijne(n) wegen d(aer)bij te seynde(n)/ en(de) d(aer)toe te hulpen dien de voirs(creven) wynne/ / den mo(n)tcost gheven sal Ende als de vruchte(n)/ gebonden zijn salmen die deylen opt velt/ ende de wynne sal zijns meest(er)s helicht vue(re)n/ alleen(e) in zijn schue(r) en(de) hij sal altoes van/ elken stucke dyerste voed(er) voir zijne(n) meest(er)/ inne vue(re)n en(de) dand(er) voir he(m) selve(n) ende/ dat alsoe vort vervolge(n) tot dat alle de/ vruchten inne zijn sullen Ende soe wa(n)neer/ de meest(er) zijn vruchten sal hebbe(n) doen derssche(n)/ en(de) die beg(er)t te hebben(e) sal de wynne he(m)/ die te loven moete(n) leve(re)n en(de) sal de meest(er)/ hem den mo(n)tcost gheve(n) oft oic vie(r) oft v/ voed(er) te mechelen vue(re)n soe v(er)re dat ad(ri)ane/ belieft It(em) de wynne sal tzijne(n) afsceyden(en)/ den wynt(er) aert besaeydt laten van alle den/ lande toebehoiren(de) den voirs(creven) hove wel en(de)/ loflijc met zijne(n) vie(r) getidege voe(re)n en(de) den/ somer aert wel en(de) loflijc met zijne(n) tijdige(n)/ voe(re)n oft hijt al besaeydt vonden hadde en(de)/ gheene orloge geweest en wae(r) en(de) dit al/ soemen dat gewoenlijc es van doen(e) It(em) sal/ de wynne alle tstroo vand(en) voirs(creven) goede comen(de)/ hebben en(de) dat int hof slijten en(de) te meste/ bekee(re)n en(de) alle dmest jairlijcx vue(re)n op de/ voirs(creven) lande alsoe wel opde verste als op / de naiste slants meesten p(ro)ffijte It(em) sulle(n)/ beyde p(ar)tijen moegen scheyden van malcande(re)n/ bynne(n) vi jai(r)en op dat hen gelieft behalve(n)/ dat de ghene die scheiden wilt dat een half/ jair te voi(r)en den ande(re)n sal moeten cundige(n)/ It(em) sal de wynne sculdich zijn de aerde vand(en)/ voirs(creven) lande op hue(r) oude tijdeghe gewoente(n)/ en(de) soe eer soe bat die mids der orloge(n) onlanx/ leden d(aer)af tacht(er) hebben geweest It(em) de wynne/ sal zijne(n) meest(er) houden alle jai(r)e twee vercken(en)/ / mette(n) zijne(n) van omtri(n)t den meye tot bamisse/ It(em) de wynne sal te hemweerts hebben tdach(mael)/ lants liggen(de) neven thof om rapen oft vlas/ d(aer)op te wynnen(e) behoudelijc dat hij tsjaers eens/ vand(er) rapen sculdich sal zijn eenen sack rape(n)/ en(de) vand(en) vlasse soe verre hij dat wint twee/ steene(n) vlas It(em) de wynne sal hebbe(n) zijn/ berri(n)ge gelijck henrick wilen vand(en) bossche/ die van zijnen meest(er)s gehadt heeft te weten(e)/ struncken en(de) houwen zijn berringe opde voirs(creven)/ goede alsoe verre die zijne(n) meest(er) toebehoi(r)en/ ter mi(n)ster schaden alsoe verre als thafteel/ gewoenlijck es geweest te gaen(e) ende niet/ voirde(r) en(de) ten gewoenliken tijde en(de) aen/ dopgaen(de) hout en(de) oeftboome en sal hij niet/ moegen houwen Ende oft enige tru(n)cboome(n)/ oft oeftboome(n) v(er)droochden die sal de wynne/ hebben en(de) vanden selve(n) aerde oft sape stelle(n)/ d(aer) voi(r)e twee leven(de) poten wel v(er)dorent It(em)/ de wynne sal alleen(e) te hemweerts hebbe(n)/ de weye en(de) thoy comen(de) vand(en) beemdeken(en)/ en(de) bog(ar)de acht(er) thuys mair sulle(n) de meest(er)/ ende de wyn dooft half en(de) half deylen en(de) zijne(n)/ meest(er) zijn deel te loven leve(re)n en(de) oic die ten/ geliken coste ter eerden doen It(em) sal de wynne/ sculdich zijn de weghe grechten ende wat(er)/ leyden aen de voirs(creven) goede jairlijcx te make(n)/ en(de) ruyme(n) op zijne(n) cost en(de) dat goets tijts als/ dat d(aer)af egheene [scade] en come het wae(re) van/ beleyden(en) oft and(er)ssins en(de) die alsoe laten/ tzijnen afsceyden(en) It(em) de wynne sal zijn beeste(n)/ moegen laten weyen opt bosch uutgenome(n)/ dat die niet gaen en sullen opde spruyte(n)/ en(de) hout het en zij vie(r) jai(r)en oudt oft meer/ It(em) sal de meest(er) alle twee jai(r)en gheve(n)/ den voirs(creven) wynne eene(n) tabbart van zijnd(er)/ levereyen des sal hij beghi(n)nen int yerste jair/ / It(em) sal de wynne jairlijcx leve(re)n vijftich bussele(n)/ walms om de huyse mede te decken(e) ende/ de huysinge(n) van alle den hove houden vand(er)/ onderst(er) rijkele(n) ned(er)weert op zijnen cost en(de)/ alsmen dect oft plect metst oft r(e)pareert aen/ de oude huysinge sal de wyn den wercliede(n)/ den mo(n)tcost gheve(n) en(de) hij sal aenhalen walm/ leem en(de) and(er)s des men [de meest(er)] d(aer)toe [coopen] behoeve(n) sal en(de)/ de meest(er) sal de dachue(re)n betalen It(em) en sal/ de wynne gheen ande(r) lande moegen ae(n)/ veerden den voirs(creven) t(er)mijn due(re)nde noch ande(re)n/ p(er)sone(n) moegen uutgeve(n) ten zij bij zijns meest(er)s/ consente It(em) sal de wynne zijne(n) meest(er) jairlijcx/ doen drie corweyen met zijne(n) wagen(en) en(de)/ p(er)den It(em) sal de meest(er) uuthebbe(n) de huysi(n)ge/ came(r) en(de) kueken(en) gelijker wijs gordt roelofs/ die hier voirmaels te hemweeerts gehadt/ heeft ende de came(r) bove(n) de porte insgelijcx/ sond(er) wed(er)seggen vand(en) wynne Ende alle/ dese voirw(er)den (et)c(etera) cora(m) hermeys naus(nydere) dece(m)br(is)/ xxi