It(em) gordt ernarts willem everarts he(n)rick ingels/ henrick vand(er) porten en(de) roelant van wanghe/ alle van hugaerden als ingeseten(en) en(de) gemechticht/ desselfs dorps ter eenre en(de) lodewijck van/ schore secretar(is) der stadt van loven(e) als p(ro)cur(eur)/ jouffr(ouwe) katline(n) pynnock wed(uw)[e] jonch(e)r lyebrechts/ wilen hee(re) tot meld(er)t (et)c(etera) ter ande(re) in p(rese)ncia/ hebben gekint en(de) geleden dat zij met mal/ cande(re)n aengaen(de) eend(er) lijfrinten van lxxv r(insch)g(ulden)/ tsjaers die de voirs(creven) jouffr(ouwe) onlanx leden op/ tselve dorp en(de) ingeseten(en) der selv(er) v(er)cregen heeft/ nae inhoudt der brieve(n) d(aer)af zijnde ov(er)comen/ zijn ind(er) manie(re)n hier nae volgen(de) Te weten(e)/ dat de voirs(creven) ingeseten(en) de voirs(creven) rinte niet/ en sullen moegen lossen oft quiten bynnen/ sesse jai(r)en naistcomen(de) niet tegenstaen(de) dat/ zij nae inhoudt der brieve(n) die soude moege(n)/ quiten als hen geliefde des sullen zij nae/ de voirs(creven) sesse jai(r)en en(de) niet eer de selve/ / rinte moegen lossen nae inhoudt der selver/ brieven met seven hond(er)t en(de) vijftich r(insch)guld(en)/ lichts gelts te weten(e) den andriesguld(en) voir lx/ stuv(er)s ge(re)kent en(de) alle ande(r) pe(n)ni(n)ge nae avena(n)t/ oft met ii[c] vijftich r(insch) guld(en) te xx stuv(er)s nyeuw(er)/ mu(n)ten tstuc als nu t(er)tijt loop heeft in des(en)/ landen promitten(tes) ratu(m) cor(am) naus(nydere) donck ja(nua)[rii] xx