Item jan herheyns geheeten stamelart woenen(de) te/ putte inde p(ro)chie van holsbeke in p(rese)ncia heeft/ genomen en(de) bekint genomen te hebben(e) tegen/ lodewijcke van schore als p(ro)cur(eur) jouffr(ouwe) katline(n) vand(en)/ berghe zijnd(er) moed(er) sesse dach(mael) wynnents lants gelege(n)/ te putte opt velt geheeten de drie boend(er) Te houden/ te hebben en(de) te wynnen van half m(er)te naistcomen(de) eene(n)/ t(er)mijn van sesse jai(r)en lanck due(re)nde deen nae dand(er)/ sond(er) middel vervolgen(de) elcx jairs dae(re)nbynne(n) te/ weten(e) de drie yerste jai(r)en om en(de) voir twee en(de) een/ half mudden rogs en(de) dande(r) drie jai(r)en om en(de) voir/ vie(r) mudden rogs cu(m) va(n)no mensu(r)e lovan(iensis) alle jae(re)/ s(in)[t] andriesmisse ap(oste)ls te betalen(e) en(de) te loven tot hue(re)n/ huyse te leve(re)n quol(ibe)t ass(ecutu)[m] It(em) es voirw(er)de dat de/ voirs(creven) wynne de voirs(creven) lande zijnen t(er)mijn due(re)nde/ sal wynnen werven en(de) mesten wel en(de) loflijc gelijc/ reengenoote(n) boven en(de) beneden en(de) die tzijne(n) afsceiden/ laten brake It(em) sal de voirs(creven) wynne sculdich zijn tot/ zijne(n) coste te houden(e) de wege aen de voirs(creven) lande/ en(de) d(aer)toe sal hij moegen afhouwen tstru(n)chout aen/ de lande staen(de) Item sal de voirs(creven) wynne jairlijcx/ sculdich zijn te corweyden eene(n) dach met zijne(n)/ wagen(en) en(de) p(er)den It(em) wa(n)t de voirs(creven) lodewijck den/ wynne tzijnen aencomen(en) geleent heeft neghen/ andriesguld(en) te weten(e) xx ynkele griffoen(en) oft/m nyeuwe st(uvers) voir elken guld(en) ge(re)kent soe es/ voirw(er)de en(de) heeft geloeft de voirs(creven) wyn bynnen/ xiiii nachte(n) naistcomen(de) eenen rinschguld(en) d(aer)af/ s(in)[t] jans(mis)s[e] naistcomen(de) twee guld(en) d(aer)af te betalen(e)/ en(de) soe vorts alle jai(r)e twee andr(ies) guld(en) d(aer)af tot/ dat al betailt sal zijn quol(ibe)t ass(ecutu)[m] En(de) alle dese/ voirw(er)den (et)c(etera) cor(am) scoonvorst naus(nydere) febr(uarii) viii