SAL7775, Akte: V°262.5-R°263.1 (422 van 763)
Akte V°262.5-R°263.1
Act
Datum: 1490-02-11
Transcriptie
2021-01-15 door Karel EmbrechtsTvo(n)nisse tusschen pauwelse wellens met zijne(n) me/
deplege(re)n en(de) janne corduaens aengaen(de) vi voede(re)n/
hoys die de voirs(creven) pauwel seyde en(de) p(rese)nteerde te/
thoenen(e) tegen hem gecocht te hebben(e) d(aer)op hij/
bekinde drie voed(er) gehadt te hebben(e) en(de) als hij/
om tvierde voed(er) gesonden hadde en woude hem/
/
dat de voirs(creven) jan cordewaens niet leve(re)n mits dat/
de voirs(creven) pauwel voir een p(er)t dat sieck was een/
ande(r) ontleent p(er)t inne gespanne(n) hadde dwelc/
hij seyde starke(r) te zijne dan tp(er)t des voirs(creven) pauwels/
was sustine(re)nde voir zijne co(n)clusie dat de voirs(creven)/
jan hem sculdich soude zijn te volleve(re)n D(aer)tegen/
de voirs(creven) jan cordewaens seyde datmen ne(m)mer/
meer bevi(n)den en soude dat hij hem meer v(er)cocht/
hadde dan iiii voede(r) en(de) soe wa(n)neer hij d(aer)om/
quame met zijns selfs p(er)den oft met gelijken/
p(er)den d(aer)op hij hem dat v(er)cocht hadde p(rese)nteerde/
hij en(de) was bereet hem tvierde voed(er) te volleve(re)n/
Es nae dien de voirs(creven) pauwel zijns v(er)meets/
niet en volqua(m) dat de verweerde(r) met zijnd(er)/
p(rese)ntacien sal gestaen in scam(p)no cora(m) hove o(mn)ib[(us)]/
dempt(is) hermeys naus(nydere) febr(uarii) xi
Nagekeken door: kristiaan magnus
Moderator: kristiaan magnus
Laatste update:: 2018-07-16 door The Administrator