SAL7775, Akte: V°279.2 (453 van 763)
Akte V°279.2
Act
Datum: 1490-02-26
Transcriptie
2021-01-20 door Karel EmbrechtsTusschen janne wisschaert ter eend(er) en(de) gielijse de/
roeve(re) voir hem en(de) van wegen anthonijs van/
wechelen zijns swaghers ter ande(r) zijden aengaen(de)/
der afquitinge(n) van vi(½) mudden corens erfpachts/
die de voirs(creven) geswage(re)n hadden op seke(r) goede/
gelegen te meerbeke bij ev(er)sberghe staen(de) te/
quiten(e) elc mudde met xviii rijders te xxvi st(uvers)/
tstuc d(aer)af de voirs(creven) wisschaert meynde te/
gestaen(e) want hij de pe(n)ni(n)ge ond(er) eyge(n)ge/
nooten gesedt hadde en(de) de conde gedaen voir/
s(in)[t] andriesmisse op s(in)[te] katline(n) dage dat hij/
gestaen soude met sulken pe(n)ni(n)gen als hij gesedt/
hadde het wae(re)n billoen oft ande(r) betalen(de)/
elken pe(n)ni(n)ck als in sulken valeu(r)e als hij ge/
slagen was Te voirde(r) want hij in sulken valeu(r)e/
pe(n)ni(n)ge genoech gesedt hadde om de selve rinte/
af te leggen(e) en(de) d(aer)toe noch wel ix rinschguld(en)/
meer en(de) dae(re)nboven noch geloeft oft hij te/
nauwe gesedt hadde altijt genoech te setten(e)/
des hij hem gedroech totten eyge(n)genoote(n) die/
daer over en(de) bij geweest hadden Den voirs(creven)/
gielijse sustine(re)nde wa(n)t hij wel ii oft iii gulden(en)/
pet(er)s gestelt hadde en(de) vi oft vii will(elm)us schilde/
die nu v(er)boden wae(re)n dat hij met gheend(er)/
hagemu(n)te(n) sculdich en soude zijn te gestaen(e) en(de)/
dat hij oic niet gestaen en soude te betalen(e)/
de pe(n)ni(n)ge alsoe die geslagen wae(re)n mair/
alsoe die nu gesedt wae(re)n Es nae dien de/
eyge(n)genooten bij eede v(er)cleert hebben de setti(n)ge/
en(de) conde bij hen gelijc voi(r)e geschiet te zijne ge/
t(er)mineert en(de) uutgesproken voir recht dat de/
voirs(creven) wisschart mette(n) pe(n)ni(n)gen bij hem/
gesedt gestaen sal die betalen(de) in sulken/
valeu(r)e als die geslagen wae(re)n en(de) dat p(ar)tien/
d(aer)op malcande(re)n sullen sculdich sijn guedi(n)ge en(de)/
vestich(eit) te doen(e) soe behoi(r)en sal in (con)s(ili)[o] febr(uarii) xxvi
Nagekeken door: kristiaan magnus
Moderator: kristiaan magnus
Laatste update:: 2018-07-16 door The Administrator